5 أشخاص عندهم مشكلة في التعامل مع الفلوس

لو أنت واحد من الـ 5 شخصيات الجايين دول في التعامل مع الفلوس حاول تراجع نفسك بسرعة علشان كل المشاكل دي هتسببلك أزمة مالية حقيقية، وهنقولك كمان ازاي تاخد قراراتك المالية بحكمة وتدبير.

1-   المبذر

إزاي تعرف إنك مبذر؟! عمرك واجهت نفسك بالسؤال ده قبل كده ولا بتهرب منه وشايف إن أي مشكلة مادية بتعاني منها بتكون من أسباب خارجية ومش أنت السبب خالص!

قاموس المبذر اللي بيضيع فلوسه من غير ما ياخد باله!

·         بيشتري أكل بكمية كبيرة أكتر من احتياجه.

·         بيطلب من على النت حاجات مش بيحتاجها ومش هتفيده.

·         بيدفع الاشتراك في الجيم بأسعار عضوية عالية ومابيروحش، وفاكر إنه لما يدفع بالسنة هيلتزم وما بيحصلش.

·         بيشتري كتب كتير من غير ما يقرأها.

اعرف أكتر عن الشخص المبذر من هنا، ازاي تعرف انك مبذر؟!

2-   اللي بيجازف بدون حساب

لازم أي مخاطرة تكون محسوبة وكله بالورقة والقلم ومش عيب إنك تسأل وتدور كتير علشان تستفاد من خبرات اللي حواليك، والأكيد إن ممكن تفشل أكتر من مرة بس الصح إنك تعمل حسابك في كل مرة وتتعلم حاجة جديدة.

3-   اللي معندوش مرونة

يعني ممكن يبقى معاك فكرة مشروع جامد بس السيولة اللي معاك مش مكفية ومعندكش مرونة تتحرك ازاي من مكانك في الوقت اللي ممكن تحصل فيه على قرض وتمشي حالك عن طريق القرض الشخصي.

القروض الشخصية هي نوع من القروض اللي بيقدمها البنوك للأفراد، وتعتبر وسيلة لتمويل حاجة خاصة زي مثلاً سفرية أو مولود جديد أو جواز، وهكذا. وطبعاً القرض معناه إنك هيبقى عليك قسط شهري بفايدة معينة حسب كل بنك ومبلغ القرض.

قارن ما بين أفضل القروض الشخصية في البنوك المصرية على فايدتي!

4-   عدم الحكمة في التعامل مع الفلوس

زي إنك تصرف مرتبك كله ومتهتمش إنك تحوش وكمان لو عاوز تشتري حاجة مهمة ومعكش كاش يغطيها في الوقت اللي ممكن تعمل كريدت كارد/Credit Card تسهلك كل أمورك، وممكن تستخدم حاسبة الميزانية الشهرية وتعرف ايه مستوى التحويش الأنسب ليك.

5-   ميزانيتك رايحة في الكماليات

حاول تعمل جدول كامل بالأمور الأساسية اللي بتصرف فيها فلوسك، وكمان قايمة بالكماليات علشان تعرف انت بتضيع فلوسك في ايه وممكن تستغل الفلوس دي في حاجة أفضل زي إنك تعمل جمعية أو تحوش بأي طريقة.