5 أنواع مش مشهورة من قروض البنوك | فايدتي

5 أنواع مش مشهورة من قروض البنوك

تاريخ النشر: في نصايح ببلاش

5 أنواع مش مشهورة من قروض البنوك

قروض البنوك هتساعدك تحل أزماتك المالية اختار القرض المناسب ليك

كل يوم بنكتشف حاجة جديدة محتاجة فلوس زيادة، وبنبدأ فى دايرة التفكير بتاعت "أجيب فلوس منين؟" أستلف، ولا أعمل جمعية، ولا أدور على شغلانة تانية. طيب ماتدخل البنك فى الدايرة دي، لان البنوك هدفها الأساسي هو مساعدتك بكل الطرق، وده مش بس عن طريق قروض البنوك العادية أو حفظ فلوسك واستثمارها، لكن تقدر تعتمد على البنك في حاجات تانية كتير لأنه بيقدم منتجات مختلفة بتحتاجها فى حياتك اليومية، زي:

 

1-قروض عضويات النوادي :

 

فيه أكتر من بنك بيوفرلك فرصة الاشتراك في النوادي المعروفة والتمويل ممكن يوصل لـ١٠٠% من قيمة العضوية، بس النسبة دي بتبقي بشروط معينة. القرض ده هيساعدك جداً لو عندك هواية وعايز تنميها أو عايز تشترك لأولادك في نادي يقدر مهاراتهم ويوظفها صح.

 

2-قرض البنك للسلع المعمرة:

 

فى نوع مختلف شوية من القروض اسمه قرض السلع المعمرة، بتستخدمه فى شرا الأجهزة الكهربائية والموبيلية، وده مفيد أوي لو كنت ناوي تتجوز قريب. وقيمة القرض بتبدأ من 75 ألف جنيه وبتوصل ل 500ألف جنيه فى بعض البنوك.

 

 3-قرض السفر والرحلات: 

 

عارف انك تقدر تأخد قرض بنك عشان يمول مصاريف سفرك، يعني ممكن تستجم أو تقضي شهر العسل بالتقسيط والتسديد بيوصل لغاية 5 سنين. وده بيعتبر نوع من أنواع القروض الشخصية.

اقدم دلوقتي علي القرض الشخصي اللي محتاجه علي فايدتي في دقايق ببلاش.

 

فى قرض مخصوص للسكوتر موجود فى بنكين بس فى مصر.

 

4-قرض السكوتر:

 

أكيد سمعت عن قروض العربيات، لكن الجديد بقي أن فى قرض مخصوص للسكوتر موجود فى بنكين بس فى مصر، بنك مصر وبنك QNB الأهلي، وقيمة القرض بتوصل ل100ألف جنيه، وده ممكن يغطي تمن السكوتر كله، وكمان البنكين مش حطين شرط التأمين على السكوتر، وده بعكس قرض العربية.

أما لو عايز قرض عربية فهتقدر تقارن ما بين البنوك المختلفة علي وقع فايدتي قبل ما تقدم.

 

5-قروض الشباب:

 

 فى أكتر من جهة بتمول المشاريع الصغيرة فى مصر، من أهمها البنوك اللي عندها منتج اسمه قروض الشباب، وهو عبارة عن تمويل المشاريع الصغيرة للشباب عشان تساعد فى حل مشكلة البطالة.

 

 قرض البنك لتمويل مشاريع الشباب موجود فى 6 بنوك، هي:

 

                   -البنك الأهلي National Bank of Egypt

                   -بنك مصر Banque Misr

                   -بنك الزراعي المصري ABE Bank 

                   -البنك التجاري الدولي CIB

                   -البنك العربي الأفريقي  AAIB

                   -بنك الإسكندرية Alex Bank