5 حاجات ممكن تعملها مع جارك في اليوم العالمي للجيران!

تاريخ النشر: في نصايح ببلاش

5 حاجات ممكن تعملها مع جارك في اليوم العالمي للجيران!

ازاي تستفيد انت وجارك؟

عيشنا حياة الجيران بتفاصيلها في مسلسلات كتير زي "ساكن قصادي" و "سابع جار"، وشوفنا وقتها أن الجيران بيقفوا جنب بعض في الحلوة والمرة. وده ممكن يحصل في الحقيقة كمان في حياتنا اليومية مش في المسلسلات بس!

 وبمناسبة اليوم العالمي لـ Do Something For Your Neighbor Day هنقولك على 5 حاجات تقدر تعملها مع جارك هتفيدكم وهتوفروا منها فلوس!

 

1- أدخل جمعية مع جارك!

 

بدل ما تدخل جمعية مع ناس تقعد تدور عليهم أول كل شهر، أدخل مع جارك اللي كده كده قدامك!

 

2- استلف من جارك!

 

مين أقرب من جارك ممكن يسلفك بسرعة وقت الزنقة، والسلف مش لازم يبقي فلوس خصوصا في أيام الحظر والمحلات اللي بتقفل من بدري.

لو عايز تعرف أكتر عن الحاجات اللي ينفع تستلفها أدخل هنا، 5 حاجات ممكن تستلفها بدل ما تشتريها

 

 

في صالات جيم كتيرة بتعمل عروض على الاشتراك للصحاب

 

 

3- اشتراك النت!

 

ليه تدفع اشتراك الانترنت البيتي لوحدك لما ممكن تشترك مع جارك فيه وتقسموا الفلوس على بعض!

 

4- اشتراك الجيم!

 

في صالات جيم كتيرة بتعمل عروض على الاشتراك للصحاب، ممكن تاخد جارك وتشتركوا في الجيم اللي جنب البيت ومنها هتستفيدوا من العرض وتشجعوا بعض على النزول.

 

5-  الجيران لبعضيها!

 

ممكن تجتمع مع جيرانك وتركبوا عربية واحد فيكم كل يوم وتقاسموا البنزين على بعد لو مشوار شغلكم قريب من بعض، وكدا هتوفروا وتريحوا عربيتكم.