5 طرق للتحويش والتوفير هتساعدك تستقل مادياً عن أهلك!

قرار مش سهل انك تستقل عن أهلك ماديا وتعتمد 100% على نفسك، وخاصة لو لسه في سن صغير، الموضوع هيحتاج منك مجهود كبير، بس طريق النجاح يستاهل التعب.
 

هنقولك على 5 طرق هتساعدك تستقل عن أهلك ماديا!

1- اكتسب خبرة!
 

حاول  تشتغل وانت بتدرس حتي لو بدأت بـ Internship  من غير مرتب في الأول عشان تأخد خبرة، وده هيخليك شخص مسؤول في سن صغير،  وهتبقى عادة تكبر عليها.
 

اعرف أكتر عن التدريب فى الشركات من هنا، ليه محتاج تدور على Internship/ فترة تدريب في الصيف؟

2- اشتغل على قد ما تقدر!
 

ناس كتير لما بتخلص الجامعه بتريح شوية، وعشان دايما احتياجاتنا بتزيد، فـ يفضل تشتغل على طول عشان تعتمد على نفسك، وتحوش ويبقى عندك دخل ثابت تقدر تعيش منه، وده هيساعدك شويه بشويه تستقل مادياً.

من أهم الحاجات اللى لازم تعملها لما تشتغل انك تصرف بالعقل

3- استثمر فلوسك!
 

خطوات كتير بتعدي بيها قبل ما تستقل، ومن أهم الحاجات اللى لازم تعملها لما تشتغل انك تصرف بالعقل، وتحوش جزء من مرتبك وتربطه في شهادة استثمار مثلا ً أو وديعة يطلعلك منها أرباح تستفيد بيها وتسحبها وقت ما تحتاج.

قارن سعر الفايدة على شهادات الاستثمار والودائع علي موقع فايدتي من مكانك.

4-  التوفير هيكسبك كتير!

لو هتبدأ تعيش لوحدك لازم تتعلم التوفير، وازاي تعمل حساب لكل جنيه بتدفعه، وفي أكتر من بند ممكن توفر فيه وأهمهم: 
 

• الأكل:
   

حاول متضيعش فلوسك على الدليفري لو بتنزل كل يوم الشغل، وتعمل أكل في البيت افضل عشان توفر فلوسك، وكمان تحافظ على صحتك
 

• الكهرباء:

 لو بتشارك أهلك في فاتورة الكهرباء، أو عايش لوحدك وبتدفعها كلها، فـ لازم تظبط استهلاكك في الكهرباء، وتدفع الفاتورة في ميعادها عشان متتراكمش عليك.
 

ودي شوية خدمات تانية تقدر توفر فيها برضه، 5 خدمات لو استغنيت عنها هتوفر كتير
 

5-  اعمل حساب الطوارئ!
 

عشان تبقى فعلا حد مسؤول عن نفسه، لازم تشيل فلوس على جنب كل شهر حتى لو 200 جنيه وتخليهم للطوارئ، عشان لو حصل ظرف مفاجئ، وبما أن معظم البنوك مش بتحتاج اكتر من 1,000 جنيه لفتح حساب التوفير يبقى تفتح حساب وتحوش فيه أضمن.

حوش فلوسك واعرف اكتر عن  ازاى تعمل حساب توفير للطوارئ وامتى تستخدمه؟