5 طرق هتساعدك تختار بيت بإيجار مناسب ليك

إيجار البيت ممكن يكون أكبر حاجة في بند المصاريف، وبيأثر جامد على ميزانيتك، وعشان كدة مهم إنك تشوف أفضل طريقة لتخفيض البند ده عشان تقلل من مصاريفك على أد ما تقدر.

1. دور على أسعار الإيجار في أكتر من حي

بدل ما تركز على حي واحد، شوف أسعار الإيجار في كذا حتة، وخصوصاًإن في أحياء ممكن تكون غالية شوية، ولكن لو طلعت برة المناطق دي، هتلاقي أحياء تانية قريبة منها ولكن أرخص بكتير.

2. اسأل على أسعار الشقق التانية

لما تلاقي مكان عاجبك، قبل ما تروح تأجر اسأل في كذا عمارة وكذا بواب أو سمسار على أسعار الإيجارات في المنطقة دي، خصوصاً إن ممكن تلاقي ناس مبالغة في أسعار الإيجارات بتاعتهم في نفس العمارة تقريباً.

حاول إنك تفاصل في سعر الإيجار، ممكن تتحجج بإن الشقة محتاجة شغل أو إن أسعار الشقق التانية أرخص، مش هتخسر حاجة من إنك تحاول تخفض الإيجار، وفي أغلب الأحيان، الشخص اللي قدامك بيبقى عايز يأجر ويخلص، ولو لقى حد كويس، ممكن يرضى يخفض شوية في سبيل راحة البال.

3. فاضل ما بين الشقق

ممكن تلاقي شقة جاهزة من كل حاجة بس غالية، ولكن لو دورت على شقة تانية تكون محتاجة شوية شغل، هتلاقي إنها سعرها هيكون أرخص، وده كله بيعتمد على احتياجاتك الشخصية، فممكن تبقى قادر إنك تصرف شوية فلوس قليلة في توضيب شقة في مقابل إنك تدفع إيجار أقل لمدة أطول.

4. ما تقبلش بالسعر الأولاني

حاول إنك تفاصل في سعر الإيجار، ممكن تتحجج بإن الشقة محتاجة شغل أو إن أسعار الشقق التانية أرخص، مش هتخسر حاجة من إنك تحاول تخفض الإيجار، وفي أغلب الأحيان، الشخص اللي قدامك بيبقى عايز يأجر ويخلص، ولو لقى حد كويس، ممكن يرضى يخفض شوية في سبيل راحة البال.

5. فكر في إنك تأجر مع صديق لك

لو أنت عايش لوحدك، ممكن تفكر في إنك تلاقي صديق يشاركك الشقة وبالتالي هتدفع نص الإيجار بس، والطريقة دي مفيدة جداً في تقليل ثمن الإيجار، ولو أنت مش عايز تشارك البيت مع حد لوقت طويل، ممكن تأجر أوضة في الشقة على مواقع تأجير البيوت زي Airbnb  وCouchsurfers.