5 كتب عن الاستثمار هيساعدوك تاخد أول خطوة في مشوارك

تاريخ النشر: في نصايح ببلاش

5 كتب عن الاستثمار هيساعدوك تاخد أول خطوة في مشوارك

ازاي تاخد خطوات مؤثرة في مشوارك المالي

الاستثمار خطوة إيجابية في مشوارك المالي لأنه هيعلمك كتير عن عالم الاقتصاد والمال، ومع شوية تركيز ومجهود ممكن تكون من أهم المستثمرين في مصر أو العالم كله، لكن في الأغلب العائق بينك وبين البداية في الاستثمار مش الفلوس، العائق الحقيقي هو انك لسه مش عارف تبدأ منين.

عشان كده جمعنا لك ليستة بأهم الكتب اللي هتساعدك بالمعرفة اللي محتاجها عشان تبتدي مشوارك في الاستثمار:
 

1-  إذا كنت تستطيع: كيف يمكن لجيل الألفية التحول للثراء ببطء | If You Can: How Millennials Can Get Rich Slowly 

 

الكاتب "وليام بيرنشتاين" عمل ملخص تمهيدي للبداية في الاستثمار عبارة عن 50 صفحة بس، فـ لو انت مش من هواة قراءة الكتب الكبيرة يبقى ده انسب كتاب ليك.
 

2-  النظام المالي: دليل المبتدئين الشامل للتعامل بشكل جيد مع المال | The Financial Diet: A Total Beginner's Guide to Getting Good with Money

 

هنا الكاتبين: "تشيلسي فاجان" و"لورين فير هاج" بيتكلموا عن إزاي تقدر تتحكم في فلوسك وتحسن علاقتك بيها، وده هيساعدك تبقى مستعد للاستثمار، وده عن طريق انه بيركز على التمويل الشخصي و الميزانية والتحويش للتقاعد وبعد كده بيديك خطوات عشان تبدأ استثمار.
 

 العائق بينك وبين البداية في الاستثمار مش الفلوس، العائق الحقيقي هو انك لسه مش عارف تبدأ منين.

 

3-  الكتاب الصغير الذي لا يزال متفوقاً على السوق | The Little Book That Still Beats the Market

 

الكاتبة "جويل جرينبلات" كان هدفها الاساسي تقليل حاجز الخوف بين الناس والاستثمار، عشان كده هتلاقي الكتاب ده اسلوبه بسيط وبيتفهم بسهولة.
 

4- المبادئ:الحياة والعمل | Principles: Life and Work 

 

الكاتب المستثمر "راي داليو" اختارته مجلة "التايم" من ضمن أكتر 100 شخصية مؤثرة في العالم، وكمان "بيل جيتس" قال عن الكتاب ده انه قدم له نصايح لا تقدر بثمن!

والكتاب عبارة سيرة الكاتب الذاتية وأفكاره، وبيشرح ازاي الشركات والأفراد يقدروا ينفذوا الأفكار دي، واللي هي عبارة عن مجموعة من القواعد سهل تنفيذها في مجال الاستثمار والعمل والحياة والشؤون المالية بشكل عام.

 

5- مقالات "وارن بافت": دروس للشركات والمساهمين | The Essays of Warren Buffett: Lessons for Investors and Managers

 

المستثمر الكبير "وارن بافت" جمع مجموعة من المقالات اللي كتبها على مدار أكتر من 50 سنة، والمقالات دي ليها أهمية كبيرة بالنسبة للمستثمرين. وبيقدم الكتاب شرح للعلاقة بين الشركات وأصحاب الأسهم، عشان كده هو مفيد جدًا للطرفين وخصوصاً المستثمرين الجداد.

 

اعرف نصايح أكتر من وارن بافت من هنا، أهم 5 نصايح عن الإستثمار من رجل الأعمال وارن بافت