5 كتب لمساعدتك في إدارة ميزانيتك

جمعنالك ليستة بالكتب اللي ممكن تساعدك في تظبيط ميزانيتك.

1. The One-Page Financial Plan الكاتب: Carl Richards 

الكتاب ده مفيد للناس اللي لسة مبتدئة في موضوع تنظيم الميزانية، قرايته سهلة وبياخدك واحدة واحدة عشان يفهمك ازاي تظبط ميزانيتك وتعمل خطتك المالية، والميزة الأساسية إنه بيوضحلك استراتيجية ناجحة في إزاي تفكر في الفلوس، وتستخدمها لتنظيم حياتك، خصوصاً إن الكتاب بيتضمن أسئلة لازم تسألها لنفسك عشان تعرف أهدافك المالية ومنها تعرف تحط الخطة اللي تناسبك.

2. Think And Grow Rich الكاتب: Napoleon Hill

الهدف الرئيسي من الكتاب إنه يدفعك للتخطيط والشغل بدل من لوم الحظ والقدر أو إنك تستنى الفرصة الرهيبة اللي هتجيلك وتحققلك كل آمالك، النسخة الأولى للكتاب اتنشرت في 1937 بعد الكساد الكبير بكام سنة، وعشان كدة هتلاقي إن الكتاب بيحاول يزق القارئ للشغل.

أغنى رجل في بابل: لو أنت بتحب تقرا كتب مكتوبة في صيغة قصص وحكايات، يبقى الكتاب ده ليك، لإنه بينصح عن طريق قصص خيالية بتشد القاريء.

3. How to Stop Living Paycheck to Paycheck الكاتبة: Avery Breyer

الكتاب ده موجود ككتاب إلكتروني بس، وفيه الكاتبة بتحاول تبسط موضوع إدراة فلوسك الشخصية، وبتبين إن المجهود اللي لازم تبذله هيبقى بسيط ولكن فعال في إنك تتحرر من فكرة إنك بتبقى مفلس على طول، وبتركز على فكرة تنظيم فلوسك وأولوياتك مع توضيح أهمية السلوكيات المالية الصحيحة وإزاي بتأثر على حياتك.

4. أغنى رجل في بابل- الكاتب: جورج كلاسون

لو أنت بتحب تقرا كتب مكتوبة في صيغة قصص وحكايات، يبقى الكتاب ده ليك، لإنه بينصح عن طريق قصص خيالية بتشد القاريء، ورغم إن أغلب النصايح ممكن تكون بديهية، إلا إن الكتاب بيبقى مفيد للناس اللي لسة في بداية طريق التحويش، وهو متاح بالإنجليزي والعربي.

5. The Intelligent Investor الكاتب: Benjamin Graham

الكتاب ده اتكتب في 1949، وهو واحد من الكتب اللي بيرشحها وارن بافت عشان الواحد يفهم عالم الاستثمار، وبيعتبر كتاب كويس للناس اللي لسة داخلة عالم الاستثمار عشان هو بيفهمك أساسيات السوق.