5 نصايح لاستخدام الكريدت كارد وأنت مسافر

لو ناوي تستخدم الكريدت كارد وأنت مسافر محتاج تأخد بالك من شوية حاجات عشان متندمش على الخطوة دي. ممكن كمان تراجع كل أسرار بطاقة الائتمان قبل ما تستخدمها.

 

1. استخدم خدمة الـOTP

 

أغلب البنوك دلوقت بتشتغل بنظام الـOTP أو One-Time Password، وده بيخليك تقدر تستخدم الكارت أونلاين بطريقة آمنة أكتر لإنه بيتطلب إنك تحط باسزرد لتأكيد المعاملة قبل ما يسحب من الكارت، والباسورد دي بتتبعت على التليفون المتسجل في البنك. وده معناه إن لو حد حاول يستخدم معلومات الكارت أونلاين، هتقدر تعرف إنه اتسرق، وطبعاً تبلغ البنك عشان يتم وقف الكارت.

 

2. فعّل الإخطارات على التليفون

 

لزيادة الآمان ممكن تفعّل نظام الإخطارات للكارت، وبكدة هيوصلك رسالة على التليفون كل ما يتم استخدام الكارت بأي طريقة، والرسالة بتبلغك بمكان الاستخدام والمبلغ المسحوب.

 

في الحقيقة أنت بتدفع نسبة زبادة برضو للبنك اللي هناك وممكن أصلاً سعر التحويل ما يبقاش أحسن.

 

3. بلاش تحاسب بالجنيه المصري وأنت مسافر

 

ساعات لما بتشتري حاجة بالكارت وأنت مسافر بيسألك إن كنت عايز تحاسب بالعملة المحلية ولا بالجنيه المصري عشان البنك بتاعك ما يحسبش عليك نسبة التحويل من مصري للعملة الأجنبية، بس في الحقيقة أنت بتدفع نسبة زبادة برضو للبنك اللي هناك وممكن أصلاً سعر التحويل ما يبقاش أحسن.

 

4. اتأكد إن البلد اللي أنت مسافرلها بتقبل نوع الكارت بتاعك

 

في بعض البلاد هتلاقي إن في نوع من الكروت مسيطر على الاستخدام سواء فيزا أو ماستركارد، وهتلاقي إن استخدام النوع التاني من الكروت صعب، عشان كدة لازم تتأكد من إن معظم المحلات والمطاعم  بتقبل نوع الكارت اللي معاك.

 

5. بلاش تستخدم الكارت في ماكينات مش معروفة

 

ساعات في الماكينات المعزولة شوية، سواء ATM أو   Vending Machines، ممكن حد يركب شريحة صغيرة تقرا معلومات الكارت في الحتة اللي بتدخل فيها الكارت، وعشان كدة يفضل إنك ما تستخدمش الكارت في أي ماكينات مش معروفة، واستخدم كاش أفضل.