ماتش ملاكمة بين يوتيوبر مشهور وملاكم محترف...مين يكسب؟

تفتكر ليه يوتيوبر مشهور ينافس ملاكم  محترف في ماتش ملاكمة؟ ده السؤال اللى حير الجمهور، مباراة بين اتنين الفرص والخبرات بينهم مش متكافئة نهايتها هتبقي عاملة ازاي؟ ده السؤال اللي خلى مشجعين الملاكمة في العالم كله متحمسين أكتر للماتش، وفعلا كل الصحف في مصر والعالم كله كتبت عن الحدث. 

والمباراة دي كانت في الولايات المتحدة في ملعب هارد روك في ميامي، فلوريدا، واللي ضمت مباريات كتيرة آخرهم مباراة بين الملاكم الأمريكي "فلويد مايويذر" و اليوتيوبر الشهير "لوغان  بول".

الظاهر كدا إن التحديات والمصارعة شاغلة بال مشاهير العالم اعرف من هنا: إيلون ماسك vs بوتين في ماتش مصارعة: الرهان على أوكرانيا

هو مين Floyd Mayweather " فلويد مايويذر"؟

هو واحد من أشهر الملاكمين في أمريكا، فاز بـ 15 لقب عالمي وميدالية برونزية في أولمبياد 1996، وكسب 50 مباراة. ليه ألقاب كتير من ضمنهم " Money Mayweather" وده لان عنده ثروة كبيرة وصلت لـ 450 مليون دولار في 2020. اعتزل فلويد الملاكمة في 2017، و بقى بيلعب مباريات موسمية وانتهت بمباراة الملاكمة الشهيرة مع الشاب الهاوي "لوغان".

مين هو Logan Paul " لوغان بول"؟

هو شاب أمريكي عنده 26 سنة و يوتيوبر مشهور، حقق نجاح كبير في الفترة الأخيرة على اليوتيوب، وبيقدم Vlogs بشكل يومي على السوشيال ميديا وظهر في أفلام كتير، وكمان عمل خط إنتاج ملابس باسمه و كل ده ساعده أكتر في طريق الشهرة، ولحد 2020 حقق 14 مليون دولار ودلوقتي وبعد المباراة  ثروته زادت لأكتر من 114 مليون دولار

  كذا صحيفة أجنبية أكدت ان كل واحد منهم هياخد 100 مليون دولار مكافأة المباراة بغض النظر عن مين اللى كسب

ازاى حققوا مكاسب كبيرة من المباراة؟

الجهة المسؤولة عن المباراة طبقت نظام مشاهدة وهو الـ  "Pay per view "PPV بمعنى أن الدفع بيكون مقابل المشاهدة، يعني عشان تشوف المباراة على أي قناة لازم تدفع تمن التذكرة، وطبقوا النظام ده على كذا قناة، يعني مثلا لو كنت هتتفرج على قناة الـ Showtime سعر التذكرة كان 49.99 دولار، وعلى قناة الـ Sky Sports Box Office كانت بـ 16.95 جنيه استرليني.

المال ولا الشهرة؟

في النهاية فاز "فلويد مايويذر" في المباراة في 7 جولات من الـ 8، وفي كذا صحيفة أجنبية أكدت ان كل واحد منهم هياخد 100 مليون دولار مكافأة المباراة بغض النظر عن مين اللى كسب!

بعيد عن الفوز في الماتش نفسه، الاتنين كسبانين، لأن المباراة قدرت تحقق حلم " فلويد مايويذر" انه يزود ثروته، وكملت طريق "لوغان بول" في عالم الشهرة، بس لو انت مكان "لوغان" كنت هتبقى مهتم بالمكسب في المباراة ولا لأ؟