5 كروت مدفوعة مقدماً ممكن يفيدوك

الأحد 09 فبراير 2020

الكارت المدفوع مقدماً هو كارت لازم يتملي فلوس، وعادة مش بيبقى مربوط بحسابك الشخص، فلما تيجي تستخدمه لازم تتأكد إنه فيه فلوس كفاية وإلا المعاملة مش هتم.


1.      كارت ميزة

الكارت ده يعتبر جديد نسبياً لإنه ما كانش موجود قبل 2019، وهو تعاون ما بين الحكومة والبنوك عشان في الفترة الأخيرة الحكومة ابتدت تضبط نظام الدفع الإلكتروني في المصالح الحكومية، وعشان كدة عملوا كارت ميزة اللي ممكن تستخدمه في دفع أي مصاريف حكومية، بس في نفس الوقت ممكن تستخدمه في المحلات عادي وفي أي ATM  عليها لوجو 123. الكارت موجود في كذا بنك، وبتختلف مصاريفه حسب البنك.


2.      كارت فيزا إنترنت من بنك مصر

لو بتدفع حاجات كتيرة على الإنترنت ومش عايز تستخدم الكريدت كارد، أو عايز تتحكم أكتر في الفلوس اللي داخلة وطالعة، يبقى كارت الإنترنت هيفيدك، وطبعاً الكارت ده مش هتقدر تستخدمه في أي حاجة تانية، هو بس للمعاملات اللي بتحصل أونلاين.


3.      كارت هدايا 4U من البنك العربي الأفريقي الدولي

لو عايز تهادي حد فلوس، بس عايز حاجة أشيك شوية، يبقى الكارت ده هو الحل، وبيطلع بكذا شكل عشان تقدر تستخدمه في أي مناسبة.


4.      كارت ISIC للطلاب من البنك التجاري الدولي (CIB)

الكارت ده مفيد للطلاب اللي بيسافروا كتير، لإنه بيدي اللي بيستخدمه تخفيضات كتير في أكتر من 36 مليون محل في العالم، وممكن تستخدمه كإثبات بإنك طالب في أي حتة بتقدم تخفيضات للطلاب، وممكن تستخدمه في مشترياتك أو للسحب من الـATM.


5.      كارت 4U للسفر من البنك العربي الأفريقي الدولي

الكارت ده ميزته إنه بيبقى بالدولار الأمريكي، وتقدر تستخدمه وأنت مسافر بأمان أكتر من الكريدت كارد لإنك ممكن تطلعه بمبلغ محدود، من 250 دولار وحتى 5,000 دولار. ده غير إنه بيخليك تتحكم في مصاريفك أكتر لإنك ممكن تحدد ميزانية معينة للسفرية مش هتقدر تتعداها.

نوع الكارت

الصلاحية

مصاريف الإصدار

مصاريف التجديد

حد البطاقة

حد المعاملات الدولية

ميزة من البنك الأهلي

 

3 سنوات

15ج

10ج

15,000 جنيه

استخدام محلي بس

فيزا إنترنت من بنك مصر

سنتين

50ج

30ج

حتى 50,000ج

50,000ج في الشهر

هدايا 4U من البنك العربي الأفريقي الدولي

حتى 3 سنوات

75ج

50ج

100ج-15,000ج

1,000 دولار أمريكي في الشهر

ISIC للطلاب من البنك التجاري الدولي

سنة

200ج

200ج

20,000ج

19,000ج في الإسبوع

4U للسفر من البنك العربي الأفريقي الدولي

سنة

10 دولار أمريكي

10 دولار أمريكي

250 -5,000 دولار أمريكي

1,000 دولار أمريكي في الشهر