إيه هي شهادات الإستثمار " CDs "والودايع "TDs"؟

شهادات الإستثمار و الودايع هي أدوات حفظ للفلوس بتقدمها معظم البنوك ،وهي عبارة عن انك بتعمل إيداع لمبلغ معين في البنك لفترة محددة والبنك بيدفعلك فايدة بسعر متفق عليه.

إيه الفرق ما بين شهادات الإستثمار " CDs "والودايع "TDs"؟

ممكن يبان أن الشهادات و الودايع أدوات مختلفة ، لكن في الحقيقة هما نفس الشيء. شهادات الإستثمار هي في الأغلب ودايع مدتها بتزيد عن سنة واحدة، لكن الودايع بتكون مدتها أقل من سنة.

إيه هي النقط الأساسية اللي لازم تأخد بالك منها وانت بتختار الوديعة؟

فى شوية نقط محتاج تحددها قبل ماتبدأ تقارن بين الودايع المختلفة، وهي:

• * العملة: الوديعتين تقدر تستخدم معاهم عملات مختلفة (الجنيه المصري ،والدولار الأمريكي ،واليورو ،والجنيه البريطاني)
• * سعر الفايدة الثابت ضد المتغيرة: ممكن يكون عندك سعر فايدة ثابت طول المدة، أو سعرفايدة متغيراللي بيتغير على حسب التغييرات اللي بيحددها البنك المركزى المصرى. السعر الثابت هو استثمار أأمن بيحميك من أي انخفاض في أسعار الفايدة لكن بيخسرك أي فرصة استفادة فى حالة زيادة سعر الفايدة.
• * الفترة الزمنية: تقدر تستثمر فى المبلغ اللي أنت عايزه لمدة بتبدأ من شهر وبتوصل ل 10 سنين.
• * عقوبات الكسر: فى منتجات بنكية عليها عقوبات فى حالة كسرها وسحب فلوسك قبل المدة الزمنية المتفق عليها.

إيه اللي محتاجه عشان اقدم طلب الحصول على وديعة توفير؟

 فى العموم هتحتاج حاجتين بس:

• * نموذج اعرف عميلك "KYC"
• * نموذج فتح حساب عشان تفتح حسابك

إزاي أقدم طلب الحصول على واحدة من الوديعتين؟

دلوقتي تقدر تقدم طلب الحصول على شهادة الإستثمار أو الوديعة عن طريقين، يا إما عن طريق الاتصال بمركز خدمة العملاء في البنك اللي بتتعامل معاه أو أنك تزور واحد من فروعه ، وواحد من موظفين القرض هيقوم بالعملية. وللتأكيد أنك جاهز للطلب ده، متنساش تزور صفحة ودايع التوفير بتاعتنا (https://www.faydety.com/save/deposits ) عشان تتأكد من أنك مناسب وتحضر المستندات المطلوبة.

التقديم على الإنترنت: قريب فايدتي هتخليك تقدم على طلب الوديعة وأنت مرتاح فى بيتك أو فى مكتبك أو حتى قاعد على القهوة. لو مهتم بالخدمة دي، دوس على اللينك ده وهنبعتلك أول ماتبدأ.