أسعار تذاكر حفلة عمر خيرت وmaroon 5  الجاية

الحفلات الغنائية الجاية في 2022 أشهرهم على الإطلاق حفلات الموسيقار الكبير عمر خيرت في دار الأوبرا المصرية وحفلة فريق maroon 5 في الأهرامات اعرف أكتر عن أسعار التذاكر وطريقة الحجز ومواعيد الحفلات دي.

الموسيقار عمر خيرت بيستعد حاليًا لإحياء حفلين على المسرح الكبير في دار الأوبرا المصرية في شهر مارس الجاي 2022 وتحديدًا يومي 7 و8 مارس، الاثنين والثلاثاء، الساعة 8 مساءًا.

حفلات عمر خيرت في الأوبرا

علشان تقدر تحضر الحفلة دي احجز التيكيت بتاعتك من الموقع الرسمي لدار الأوبرا المصرية، وخلي بالك الأماكن المتبقية قليلة جدًا وكمان لازم تلتزم بالزي الرسمي المعلن عنه.

وماتنساش الدخول بالكمامة، والدخول من البوابة المخصصة للتعقيم، والالتزام بإجراءات قياس الحرارة بواسطة المختص، وضرورة الحفاظ على التباعد المجتمعي ووجود مسافات آمنة بين الجمهور، وغير مسموح بتحريك المقاعد، إضافة إلى منع التصوير داخل قاعة الحفل.

اخر حفلات عمر خيرت

وكان الموسيقار الكبير عمر خيرت أحيا حفلة يوم 5 فبراير اللي فات "لايف" من دبي ضمن فعاليات إكسبو 2020، ومن المعروف كمان إن حفلات عمر خيرت في دار الأوبرا المصرية دايمًا بتكون كاملة العدد وتذاكرها بتخلص من بدري.

أسعار تذاكر عمر خيرت وطريقة الحجز

لمعرفة أسعار وطريقة حجز تذاكر حفل عمر خيرت في دار الأوبرا المصرية يومي 7 و 8 مارس 2022 من هنا

حفلة الفرقة العالمية maroon 5

من الحفلات الغنائية اللي هتتعمل الفترة الجاية حفلة maroon 5 واللي هتكون في الأهرامات وتحديدًا يوم الثلاثاء 3 مايو الجاي 2022، ودي من أشهر الفرق الأمريكية اللي ليها شعبية كبيرة في العالم كله وبقالها أكتر من 25 سنة.

ازاي تقدر تحضر حفلات من غير ما تبوظ ميزانيتك اعرف أكتر من هنا: 6 طرق تحضر بيها الحفلات من غير ما تبوظ ميزانيتك الشهرية!

أسعار تذاكر حفلة  maroon5

بالنسبة لأسعار تذاكر حفلة مارون 5 اللي تم الإعلان عنها على موقع "تيكتس مارشيه": 

• 2300 جنيه لفئة Floor Regular.
• 4500 جنيه لفئة Floor gold/ Regular.
• 5000 جنيه لفئة VIP Platform / Regular.

ازاي تقدر تحجز تذاكر حفلة Maroon 5 

الحفلة زي ما قولنالك يوم 3 مايو وهتبدأ الساعة 8 مساءًا، وتقدر تحجز التذكرة إلكترونيًا من خلال موقع تيكتس مارشيه، وكل اللي هتعمله هتدخل على الموقع وتختار خانة الحفل وبعديم تسجل وتملى بياناتك، وبعدين تدوس على تسجيل واتباع الخطوات المطلوبة للحجز.

احجز تذكرتك من هنا

معلومات عن فرقة Maroon 5

• بتتكون فرقة Maroon 5‏ الأمريكية من 5 أعضاء.
• آدم ليفين مؤدي الأغاني الرئيسي وجيمس فالنتين عازف قيثارة، جيسي كارمايكل، وميكي مادن، ومات فلين الدرامز.
• بداية الفرقة: 1994.

بمناسبة كلامنا عن الأغاني والحفلات اعرف الجديد عن عمرو دياب من هنا: ليه أغاني عمرو دياب اتحذفت من يوتيوب؟