بلغة الأرقام: اعرف فرص تأهل الأهلي في دوري الأبطال

بعد نهاية الجولة الرابعة وخسارة الأهلي من صنداونز الجنوب أفريقي، ايه هي فرص تأهل المارد الأحمر وصعوده من مجموعته لدور الـ 8 في دوري أبطال أفريقيا خاصة إن الأهلي والهلال والمريخ كل فريق منهم معاه 4 نقط.

مجموعة الأهلي السنة دي فيها صن داونز والهلال والمريخ، والمتصدر الفريق الجنوب أفريقي بـ 10 نقط، هنقولك على سيناريوهات تأهل الأهلي للدور الجاي من دوري أبطال أفريقيا 2022.

بمناسبة كلامنا عن الماتشات المهمة ماتنساش ماتشين مصر في مارس واللي هيأهلونا لكأس العالم 2022 اعرف أكتر عنهم من هنا: تاريخ مواجهات مصر والسنغال: اتقابلوا 14 مرة

ترتيب مجموعة الأهلي في دوري الأبطال

• صن داونز في الصدارة: 3 فوز – 1 تعادل – 10 نقاط.
• الأهلي: 1 فوز – 1 تعادل -2 خسارة – 4 نقاط.
• الهلال: 1 فوز – 1 تعادل -2 خسارة – 4 نقاط
• المريخ: 1 فوز – 1 تعادل -2 خسارة – 4 نقاط

الأهلي فاضلة ماتشين مع الهلال والمريخ هيتلعبوا في مصر

ايه هي الماتشات المتبقية للأهلي في دوري الأبطال؟

• الأهلي فاضله في دور المجموعات ماتشين مع الهلال والمريخ والاتنين هيتلعبوا في مصر.
• ماتش الأهلي الجاي مع المريخ في ستاد السلام يوم 18 مارس، والماتش اللي بعده في نهاية دور المجموعات هيكون قدام الهلال في ستاد القاهرة الدولي يوم 1 أبريل.

فرص تأهل الأهلي لدور التمانية من دوري الأبطال

طبعًا السيناريو الأول والأسهل إن الأهلي يفوز على الهلال والمريخ وهيصعد كتاني مجموعته بعد صنداونز، وساعتها الأهلي هيكون معاه 10 نقاط.

كمان ممكن الأهلي يصعد لو فاز في ماتش واتعادل في الماتش التاني، ولكن وقتها هيوصل للنقطة رقم 8 وهيتأهل على حساب الهلال في حالة تساوي النقاط لكن الشرط الوحيد إنه يفوز عليه أو يتعادل معاه سلبيًا 0-0 "واللي هيساعد الأهلي في الحال دي فارق الأهداف" لكن التعادل الإيجابي هيأهل الهلال.

لو الأهلي اتساوى مع المريخ في عدد النقط الأهلي هيتأهل ومش محتاج غير إنه يتعادل معاه علان يتأهل لدور الـ 8.

الأهلي ممكن يتأهل في الصدارة؟

لكن الأكيد إن الأهلي مش هيتأهل وهو في الصدارة.. كل السيناريوهات إنه يتأهل في المركز التاني من المجموعة.

في حالة لو صن داونز خسر الماتشين الجايين، والأهلي فاز، في الوقت دا الفريقين هيكون عندهم 10 نقاط وساعتها هيتم اللجوء للمواجهات المباشرة اللي هتكون في صالح صن داونز.

اعرف أكتر عن ماتش مصر والسنغال من هنا: سعر تذاكر مباراة مصر والسنغال في تصفيات كأس العالم 2022