سعر تذاكر مباراة مصر والسنغال في تصفيات كأس العالم 2022

أيام قليلة بتفصلنا عن مباراتين مهمين جدًا، الفراعنة على موعد لمواجهة منتخب السنغال في التصفيات المؤهلة لكأس العالم 2022، وتم تحديد موعد مباراتي مصر والسنغال بالفعل.

الماتش الأول هيكون في استاد القاهرة الدولي يوم 25 مارس الحالي الساعة 9.30 مساءًا، والمواجهة التانية والأخيرة هتكون في استاد "ديامنياديو الأولمبي" بالسنغال يوم 29 مارس الحالي الساعة 7 مساءًا.

اعرف أكتر عن تاريخ مواجهات الفراعنة وأسود التيرانجا من هنا: تاريخ مواجهات مصر والسنغال: اتقابلوا 14 مرة

السنغال فازت على مصر في نهائي كأس الأمم

الماتش الأخير بين مصر والسنغال كان في كأس الأمم الأفريقيا 2022 بالكاميرون واللي انتهى بالتعادل السلبي لكن السنغال كسبت بركلات الترجيح.

ومن المنتظر إن مصر هتكون على موعد تاريخي لحسم بطاقة التأهل للمونديال للمرة التانية على التوالي وتاخد بتارها من السنغال بعد خسارة كأس الأمم الأفريقية.

تذاكر مباراة مصر والسنغال

امتى هيتم طرح تذاكر مباراة مصر والسنغال في تصفيات كأس العالم؟ من أكتر الموضوعات اللي بيتم البحث عنها دلوقتي، وهتكون متاحة قبل الماتش بأسابيع، ومن المنتظر إنه هيتم طرحها في الأيام القليلة اللي جاية.

وبالفعل تم طرح تذاكر مباراة مصر والسنغال الجاية رسميًا على موقع موقع تذكرتي.

مهم يكون معاك بطاقة المشجع علشان تقدر تحضر الماتش

سعر تذاكر مباراة مصر والسنغال في تصفيات كأس العالم 2022

رسميًا تم فتح باب حجز التذاكر للمباراة الفاصلة لكأس العالم بين منتخب مصر والسنغال:

المقصورة 2000 جنيه.

الدرجة الأولى 600 جنيه.

الدرجة الأولى علوي 400 جنيه.

الدرجة التانية 250 جنيه.

الدرجة التالتة 100 جنيه.

ازاي تقدر تحجز تذاكر مباراة مصر والسنغال؟

تذاكر مباراة مصر والسنغال في تصفيات كأس العالم 2022 هتكون متاحة على موقع تذكرتي، ودا الموقع اللي بتتباع عليه تذاكر ماتشات الدوري المصري وأهم الأحداث الرياضية في مصر.

تقدر تدخل على موقع تذكرتي مباشرة من هنا

خطوات التسجيل على موقع تذكرتي

كل اللي عليك إنك هتسجل في البداية على موقع تذكرتي علشان تقدر تشتري تذكرة مباراة مصر والسنغال اللي هتتلعب يوم 25 مارس في استاد القاهرة، ولازم تاخد بالك إنه مهم يكون معاك بطاقة المشجع علشان تقدر تحضر الماتش.

ولما تدخل تذكرتي هتلاقي كل الماتشات المتاح تذاكرها وهتختار وقتها مباراة مصر والسنغال، وهتقوم بتحديد عدد التذاكر والدرجة اللي بترغب في الحضور فيها.

سعر تذكرة ماتشات المنتخب

لو بصينا على التصفيات اللي قبل كدا الخاصة بالفراعنة هنلاقي إن أسعار التذاكر كانت من 50 إلى 300 جنيه مصري، لكن طبعًا سعر تذكرة مصر والسنغال أغلى من  كدا.

عدد الجمهور في مباراة مصر والسنغال؟

بالنسبة لعدد الجمهور المسموح له الحضور في ماتش مصر والسنغال بتصفيات كأس العالم 2022 هيكون 50 ألف مشجع ودا عدد قليل طبعًا من الاستاد لكن السبب الإجراءات الاحترازية لفيروس كورونا.

اعرف أكتر عن تاريخ مباريات مصر والسنغال من هنا: قبل مباراة مصر والسنغال.. الأرقام في صالح مين؟