أمن عربيتك!
أمن عربيتك!
أمن عربيتك!

عايز وسيط تأمين ببلاش؟ ادخل هنا واختار التأمين المناسب ليك بأكتر من طريقة تقسيط وسيب الباقي علينا.

faydety-logo-text

ليه اللحمة البرازيلي سعرها رخيص ودول كتير بتستوردها؟

تاريخ النشر: 06 يوليو 2022

طرائف وعجائب

ليه اللحمة البرازيلي سعرها رخيص ودول كتير بتستوردها؟

ليه اللحمة البرازيلي سمعتها وحشة؟

واحد من أكتر الأسئلة اللي بتشغل بال ناس كتير ليه اللحمة المستوردة في مصر سعرها أقل من اللحمة البلدي، واحنا هنا بنستورد بكميات أكبر اللحمة البرازيلي، اعرف معلومات أكتر في المقال دا.

 

اعرف أسعار الأضاحي السنة دي من هنا: أسعار الأضاحي في مصر 2022: في الأسواق ومنافذ "الزراعة"

 

انخفاض تكلفة الإنتاج

 

من أبرز أسباب إن اللحوم البرازيلية سعرها رخيص إن البرازيليين عندهم قدرة كبيرة في التحكم في انخفاض تكلفة الإنتاج، وبينتجوا لحوم البقر بتكلفة أقل من المنافسين بتوعهم على مستوى العالم.

 

سلالة عندها مميزات 

 

الأغلبية الكاسحة من قطيع البقر البرازيلي من أصل سلالة اسمها "نيلوري"، ومن مميزات السلالة دي تحديدًا إنها بتتميز بالقوة والتحمل وإن أكلها مش مكلف يعني في أغلب الوقت بتاكل الأبقار في السلالة دي علف جودته ضعيفة مقارنة بالمعايير في أمريكا واستراليا اللي بيعتمدوا على أنواع أغلى في أعلاف التسمين.

 

وعلى الرغم من كدا إلا إن السلالة البرازيلية بتعتمد على معدل تحويل كبير وكويس جدًا في إنتاح اللحوم البرازيلية، وبتنتج بكميات كبيرة لكن الفترة الأخيرة سمعة اللحوم البرازيلية مش حلوة أوي في السوق.

 

تفتكر الكبدة اللي في السندويتشات الرخيصة أصلها منين؟ اعرف من هنا: ازاي ساندويتش الكبدة بـ3 جنيه: هي دي كبدة ايه؟!

 

ليه اللحوم البرازيلية سمعتها مش كويسة؟

 

الموضوع دا مالوش علاقة بجودة إنتاج اللحمة البرازيلي لكن دا بيرجع لفضايح كبيرة تم اكتشافها في أكبر المصانع البرازيلية في تحقيق ضخم نشرته وكالات الأنباء تحت عنوان "اللحم الضعيف".

 

التحقيقات دي وقتها هزت العالم وخلت دول كتير تحظر استيراد اللحوم البرازيلي، واللي كانت في مارس 2017 لما الشرطة البرازيلية قادت حاملة ضخمة على المصانع والمستودعات الخاصة بأكبر شركات اللحوم في البرازيل.

 

نتيجة التحقيقات

 

التحقيقات السرية كانت قائمة  على مدار سنتين، والشرطة بعدها لما اقتحمت الأماكن دي اكتشفت كوارث كبيرة، وعلى سبيل المثال إن المجازر كانت بتغش اللحوم المصنعة أثناء عملية الفرم وكانوا بيرموا ع اللحمة كرتون ورؤوس خنازير علشان يكبروا الكمية.

 

وكمان لما اللحمة كانت تفسد كانوا بيرشوا عليها أحماض معينة علشان يتخلصوا من ريحتها السيئة، والتحقيق كشف كمان إن في شركات كتير قدموا رشاوي لمفتشين وزارة الزراعة البرازيلية اللي المفروض إنهم بيراقبوا علشان يوافقوا على خروج كميات من اللحوم الفاسدة للسوق المحلي وللتصدير كمان.

 

أكبر شركات اللحوم البرازيلية

 

اللي عمل ضجة في التحقيق دا إن القضية طالت أكبر شركات اللحوم في البلد اللي كانت متورطة فيها، وعلى رأسهم JBS   وBRF وطبعًا دا ضرب سمعة اللحمة البرازيلية وخلي دول كتير على رأسها الصين وأمريكا ودول الاتحاد الأوروبي توقف استيراد اللحمة من البرازيل.

 

ضرب صناعة اللحوم البرازيلية

 

الحادثة دي أضرت بصناعة اللحوم البرازيلية لفترة طويلة ولكنها في السنين الأخيرة واضح إنها وقفت تاني على رجليها واستعادت ثقة الدول المستوردة تاني ودا شئ كان محتاجه الاقتصاد البرازيلي.

 

وليك إنك تعرف إن الفترة بين 2000 و2020 صادرات البرازيل دخلت للبرازيل أكتر من 256 مليار دولار أمريكي، وبننصحك تعرف معلومات أكتر والقصة كلها من الفيديو دا شوفه من هنا

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع