مين رجل الأعمال المصري لطفي منصور المهتم بشراء نادي تشيلسي؟

رجل الأعمال المصري لطفي منصور من الأسماء اللي ناس كتير بتعمل عليه بحث خلال الساعات الأخيرة بعد أما ارتبط اسمه بشراء نادي تشيلسي الإنجليزي، المعروض حاليًا للبيع.

صحيفة "دايلي" تيليجراف الإنجليزية قالت إن رجل الأعمال المصري لطفي منصور عنده نية ومهتم بشراء نادي تشيلسي بعد إعلان الروسي "رومان أبراموفيتش" مالك نادي تشيلسي عن عرض النادي للبيع قبل ساعات قليلة.

والمالك الروسي لتشيلسي "أبراموفيتش" كان استحوذ على نادي تشيلسي في يونيو 2003، قبل أن يعرض النادي للبيع بعد 19 سنة.

بمناسبة كلامنا عن نادي تشيلسي والكورة خلينا نروح للفرق المصرية أهلي وزمالك اعرف أكتر من هنا: سيناريوهات تأهل الأهلي والزمالك لربع نهائي دوري الأبطال

مين هو لطفي منصور؟

الصحيفة الإنجليزية المعروفة قالت إن رجل الأعمال المصري لطفي منصور اتقدم بعرض لشراء نادي تشيلسي، لكن مين هو لطفي منصور؟ دا اللي هتعرفه دلوقتي.

• لو متعرفش خلينا نقولك إن لطفي منصور عمره 33 سنة وهو المدير التنفيذي لشركة مان كابيتال.
• لطفي منصور ابن محمد منصور الملياردر المصري المعروف ووزير النقل الأسبق، رئيس مجموعة شركات منصور التجارية المعروفة.

أشهر المنافسين لشراء تشيلسي

في تقارير إخبارية قالت إن في ملياردير سويسري بينافس على شراء نادي تشيلسي الإنجليزي اسمه "هانز يورج فيز" لكن في تقارير تانية قالت إن فيز مهتم بشراء النادي لكن ضمن تحالف مش لوحده.

المبلغ المطلوب لبيع نادي تشيلسي أكتر من 2.5 مليار دولار

المبلغ المطلوب لبيع نادي تشيلسي

حسب التقارير اللي نقلتها الصحف العالمية فالمبلغ المطلوب لبيع نادي تشيلسي بيتجاوز 2 مليار جنيه إسترليني يعني حوالي 2.6م مليار دولار، وفي تقارير تانية بتقول إن ابراموفيتش طلب 4 مليار جنيه استرليني.

ليه ابراموفيتش عاوز يبيع نادي تشيلسي أصلًا؟

المالك الروسي للنادي قال في بيان رسمي:

• أخدت قراري علشان مصلحة النادي، في الوضع الحالي، حيث أعتقد أن هذا في مصلحة النادي والمشجعين والموظفين وكذلك رعاة النادي وشركائه.
• إنشاء مؤسسة خيرية يتم فيها التبرع بجميع العائدات الصافية من البيع، سيكون الأساس لصالح جميع ضحايا الحرب في أوكرانيا.

اعرف أكتر عن أغلى ملاعب الكورة في العالم من هنا: أغلى 10 ملاعب في العالم وتكلفة ملاعب مونديال قطر 2022