أسعار "سكن لكل المصريين 3": بتبدأ من 194 الف جنيه

أعلنت وزارة الاسكان الاجتماعي عن فتح باب التقديمات لـ " سكن لكل المصريين 3" و"سكن للمتزوجين" ، سكن لكل المصريين 3 هي مبادرة من الرئيس عبدالفتاح السيسي، وهدفها هو تسليم شقق متشطبة للمواطنين متوسطي ومنخفضي الدخل بأسعار مخفضة خلال 18 شهر.

كراسات شروط الحجز لـ "سكن لكل المصريين 3"

كراسات شروط حجز "سكن لكل المصريين 3" و "سكن للمتزوجين" تم طرحها لذوي الاحتياجات الخاصة السبت وحتى 1 اكتوبر الجاي، وكل المواطنين بما فيهم ذوي الاحتياجات الخاصة من 2 اكتوبر لحد 27 اكتوبر الجاي .

وممكن تشتري كراسة شروط الحجز من اي مكتب بريد موجود في المحافظات اللي هيتم طرح سكن لكل المصريين 3 فيها.

اماكن طرح "سكن لكل المصريين 3"

“سكن لكل المصريين 3” هيتم طرحها في الأماكن والمحافظات دي:

• أخميم الجديد
• الإسماعيلية
• أسيوط
• الأقصر
• البحيرة
• برج العرب الجديدة
• سوهاج
• الشرقية
• الفيوم
• الفيوم الجديدة
• القليوبية
• كفر الشيخ
• مرسى مطروح
• المنوفية
• السويس
• بني سويف
• الغربية
• دمياط
• أسوان
• الدقهلية
• شمال سيناء
• قنا
• المنيا
• المنيا الجديدة

اسعار “ سكن لكل المصريين 3”

محدودي الدخل مطلوب منهم انهم يدفعوا مقدم10% ومدة السداد توصل لـ 30 سنة  بـعائد 3% ، أسعار بيع الوحدات لمجدودي الدخل بيبدأ من 194 الف جنيه ويوصل لـ 310 الف جنيه، والمقدم بيبدأ من 15 الف جنيه ويوصل لـ 22 الف جنيه.

• الحد الأقصى للقسط بالنسبة لـمنخفضي الدخل هي 6000 جنيه شهريا لـلأعزب، و8000 جنيه شهريا لـلأسرة.
• الحد الأقصى للقسط لـمتوسطي الدخل هي 13000 جنيه شهريا لـلأعزبن و18000 جنيه شهريا للأسرة.

وزادت سعر بيع الوحدة من 1.4 مليون جنيه لـ 1.7 مليون جنيه للوحدات المتشطبة لمتوسطي الدخل بمساحة توصل لـ150 متر.

اعرف اكتر عن أهم النصائح وخطوات لازم تعملها عند شراء شقة تمليك في مصر

لو عايز تعرف تفاصيل اكتر وتتابع نتيجة "سكن لكل المصريين 3" ممكن تتابع اخر الاخبار من موقع صندوق الاسكان الاجماعي ودعم التمويل العقاري.