نصائح وخطوات لازم تعملها عند شراء شقة تمليك في مصر

مين فينا مش محتاج يشتري شقة قبل الاسعار ماتغلي، عشان يتجوز فيها أو يضمن واحد من أضمن الاستثمارات فى مصر.

عشان كده هنقولك على شوية معلومات عن كيفية شراء شقة في مصر خاصة لو عايز تستغل مبادرة التمويل العقاري اللي هتسهلك أمورك، وهنقولك كمان على اجراءات شراء شقة تمليك في مصر بأفضل شكل ممكن.

يعني ايه تمويل عقاري؟

من خلال التمويل العقاري تقدر تشتري بيت أحلامك، هو عبارة عن قرض بتاخده من البنك أو مؤسسة ائتمانية بهدف شراء عقار ما، وبيبقى العقار ده هو الضامن للقرض، وفي بعض الأحيان التمويل العقاري بيبقى متاح من شركة العقارات نفسها وبشروط معينة.

اعرف أكتر عن المبادرة من هنا، ازاي تقدم على مبادرة البنك المركزي للتمويل العقاري؟

قارن واختار البنك المناسب ليك

كل فترة بتحاول البنوك تتنافس ما بين بعض على تقديم أحسن خدمة للمواطنين بأقل فايدة، وده اللي حاصل على قروض التمويل العقاري، خصوصا أن السوق بقي فيه اختيارات كتيرة ما بين تأجير وتمليك.

استخدم حاسبة قسط التمويل العقاري على موقع فايدتي.

4 نقط لازم تأخد بالك منها وقت شراء شقة تمليك في مصر:

·       شوف الشقة بنفسك واعرف مساحتها على أرض الواقع.

·       اتأكد من تراخيص العقار وراجع عدد الأدوار المرخصة عشان متتعرضش لإزالة.

·       اتأكد من وجود كل الخدمات: الكهرباء والغاز والماء وعدم وجود مشاكل في العدادات.

·       اعرف فواتير دفع الخدمات الخاصة بالشقة زي مياه وغاز طبيعي وهاتف ارضي وهل هي مسددة ولا لا.

من أهم البيانات في عقد البيع توضيح بيان لقطعة الأرض به الرقم الخاص بها والمربع والحوض

أهم البيانات في عقد البيع:

·       لازم يكون فيه: اسم البائع والمشتري بالكامل + رقم بطاقة البائع والمشتري + عنوان محل الإقامة ليهم هما الاتنين.

·       بيان مكتوب بالتفصيل للوحدة المباعة.

·       كتابة عنوان العقار بالكامل + رقم العقار والحي واسم الشارع الموجود به العقار والمنطقة والمحافظة.

·       توضيح بيان لقطعة الأرض به الرقم الخاص بها والمربع والحوض.

·       كتابة الثمن وطريقة الدفع بشكل صريح وواضح.

·       شرح تفصيلي عن ملكية البائع للوحدة المباعة وكتابة كل العقود اللي تم تسجيلها حتى الوصول إلى العقد المسجل الأخير، ولازم الشاري ياخد كل عقود الملكية المسجلة سابقًا.

·       تسجيل رقم وتاريخ ترخيص البناء.

·       كتابة بند كامل واضح بأن المالك أو البائع يتحمل المسئولية الكاملة تجاه العيوب الخفية بالعقار سواء كانت عيوب مادية أو قانونية.

أمن على بيتك:

التأمين على المنزل بيحميك في حالة وقوع حادث مفاجئ وبما انك دافع كتير فى بيتك فيبقي من الافضل تأمنه، لأن التأمين بيشمل المباني والتشطيبات والمفروشات والمنقولات بنسب مختلفة، وممكن يكون الحادث ده ناتج عن:

·       الحريق والصواعق والانفجار.

·       العواصف والرياح والفيضان والزلازل.

·       السرقة من غير أفراد الأسرة أو الأفراد اللي فى خدمتها.

·       اندفاع المياه المفاجأة من مواسير المياه العذبة والأجهزة المائية.

احصل دلوقتي على  تأمين المنازل من خلال فايدتي!