أصحاب ولا أعز، خايف على خصوصية بياناتك؟

تعمل ايه لو حد مسك موبايلك وفتح الرسايل عندك وقعد يفتش فيها هتحس بإيه وقتها؟ أكيد عدم خصوصية وعدم أمان ناحيته، تخيل بقى لو بتلعب لعبة وأنت مُجبر تعرف اللي حواليك كل خصوصياتك، وهي إنك تحط موبايلك على الترابيزة وأي رسالة أو مكالمة تجيلك يشوفها ويسمعها الموجودين معاك!

إن مايبقاش عندك خصوصية ده شئ مش طبيعي ولاصحي، وهنا مش لازم بس تبقى خاصة بالعلاقات بينا وبين أي حد لأن مفهوم الخصوصية أكبر من كده بكتير زي مثلًا خصوصية بياناتك البنكية اللي متحبش حد يعرف عنها حاجة حتى لو أقرب الناس ليك وده حقك.

موبايلك اتسرق قبل كده؟ طب اعرف أكتر من هنا تتعامل ازاي مع المواقف اللي زي دي، 6 نصايح لحماية حساباتك البنكية لو موبايلك اتسرق!

احمي نفسك وحافظ على خصوصية بياناتك:

أوقات كتير بتفكر مثلًا تاخد قرض أو تأمن على عربيتك مثلًا فبيتطلب منك بيانات خاصة بيك بس بتقلق من الشركات اللي بتقدملك الخدمة دي علشان خصوصية بياناتك.

خلينا نقولك إن فايدتي بتهتم بالتعامل مع أفضل أنظمة الحماية يعني مفيش حد هيقدر يوصل لمعلوماتك إلا بموافقتك يعني معلوماتك معانا في الحفظ والصون علشان كدا ما تقلقش خالص من حاجة زي كدا.

اعرف أكتر عن سياسة الخصوصية في فايدتي من هنا

خلي بالك!

خلينا نتكلم في الحياة الطبيعية بتاعتك عمومًا، لازم تهتم بإنك تحترم خصوصية غيرك وبلاش تفتش في حاجة مالكش دعوة بيها ومش بتاعتك، واحترم المساحة الشخصية للكل حتى أقرب الناس ليك.

لو لسه ما شوفتش الفيلم..

قصة فيلم أًصحاب ولا أعز

فيلم أصحاب ولا أعز مقتبس من الفيلم الإيطالي المعروف Perfect Strangers، وبيحكي عن 7 صحاب متجمعين على العشاء وقت خسوف القمر وقرروا يلعبوا لعبة اتسببت في مشاكل كتير ما بينهم.

اللعبة إنهم يحطوا موبايلاتهم قدامهم ويكشفوا عن كل الرسائل والمكالمات اللي بتجيلهم وهما قاعدين، واكتشفوا خفايا وأسرار بعض، والموضوع ماكنش لطيف خالص.

أبطال فيلم أصحاب ولا أعز

إنتاج عربي مشترك بين مصر ولبنان والإمارات، الفيلم بطولة منى زكي وإياد نصار وعادل كرم ونادين لبكي ودايموند عبود وجورج خباز، ومن إخراج وسام سميرة، والفيلم حقق مشاهدات كبيرة جدًا في مصر والوطن العربي بعد ساعات من عرضه على نتفليكس على الرغم من كل الانتقادات اللي اتوجهتله.

اعرف أكتر عن فايدتي والخدمات البنكية والتأمينية اللي بتقدمهالك وأنت في مكانك من هنا.