اخر اخبار وتحديثات مبادرة التمويل العقاري يناير 2022

مبادرة التمويل العقاري لسه بتتحدث بالرغم من مرور أشهر على بدايتها، وعن مبادرة السيسي للتمويل العقاري وآخر أخبارها في يناير 2022 أن عندك 60 سنة تقدر تستفاد من مبادرة الـ 3%.

اعرف أكتر عن مكونات القرض العقاري والأقساط الشهرية ونسبة الفايدة من هنا، يعني ايه تمويل عقاري؟

طرح مرحلة جديدة

وزارة الإسكان أعلنت في يناير 2022 إنها هتطرح مرحلة جديدة من شقق الإسكان المتوسط، في مبادرتي البنك المركزي للتمويل العقاري 3% أو 8% في بالتعاون مع هيئة المجتمعات العمرانية خلال الشهرين القادمين في محافظات مختلفة.

الوحدات مكانها فين؟

الوحدات اللي هيتم طرحها جاهزة للتسليم، وكاملة التشطيب، وموجودة ضمن المبادرة الرئاسية للتمويل العقاري، بفائدة 3%، وهيكون هناك وحدات متوافقة مع 8% في مدن مختلفة.

الوحدات دي في:

·       أكتوبر.

·       القاهرة الجديدة.

·       بدر.

·       العبور.

·       العلمين.

·       الشروق.

·       الشيخ زايد.

·       ملوي الجديدة.

·       المنيا الجديدة.

·       غرب أسيوط.

·       بدر.

·       غرب قنا.

·       العاشر من رمضان.

·       برج العرب الجديدة.

اعرف أكتر عن اخر تحديثات المبادرة في 2021 من هنا، أخر تعديل في شروط مبادرتي التمويل العقاري الـ3 و8%!

لو عمرك فوق 50 أو 60 سنة تستفيد من التمويل العقاري ازاي؟

حسب المبادرة اللي أعلنها البنك المركزي بفايدة 3%، بقى من حق أصحاب المعاشات الاستفادة من مبادرة التمويل العقاري بسعر فايدة متناقص 3%، ولكن الشرط الأساسي سداد 40% بحد أدنى من قيمة الوحدة كدفعة مقدمة.

مش بس كده كمان لازم ما يتعداش عمر العميل في نهاية القرض 75 سنة، والمبادرة الجديدة للتمويل العقاري اشترطت أن يتم تحويل المعاش مباشرة للجهة الممولة. والاقساط هتسدد بحد أقصي على 15 سنة.

ازاي تستفيد من المبادرة الجديدة؟

البنوك بتقدم نوعين من شروط مبادرة التمويل العقاري سواء بفايدة 3% سنويًا متناقصة لمحدودي ومتوسطي الدخل، أو بفايدة 8% لمتوسطي الدخل وبفترة سداد بتوصل لـ 30 عامًا.

في مبادرة الـ 3%:

·       الدخل الشهري للأعزب أقل من 10 آلاف جنيه.

·       و14 ألف جنيه للمتزوج.

أما لو مرتب المتقدم أكبر من كدا يقدر يستفيد من مبادرة 8% لكن دخله الشهري مايزدش عن 40 ألف جنيه للأعزب و50 ألف جنيه للمتزوج.

ايه الجديد في المبادرة دي عن اللي قبلها اعرف أكتر من هنا، مبادرة التمويل العقاري بدأت فى البنوك يوليو 2021