ايه هو أبلكيشن instapay للمدفوعات اللحظية؟

في الأيام الأخيرة بدأت 8 بنوك، بعد موافقة البنك المركزي، في الإطلاق التجريبي لأبلكيشن "انستا باي" "instapay" في عالم التحويل اللحظي ودا هيكون نقلية نوعية في عال المدفوعات جوا مصر.

الإطلاق الفعلي للجمهور هيكون متاح بداية من يوم 22 مارس الجاي، وحاليًا بيتم الإطلاق التجريبي لـ "instapay علشان لو في أخطاء أثناء عملية التحويل يتم التعامل معاها بالطريقة الفنية.

فايدتي هتلم الموضوع وتوضحلك ايه هي البنوك اللي حصلت على رخصة المدفوعات اللحظة وأكبر قدر من المعلومات عن تطبيق انستا باي instapay.

اعرف أكتر عن الخدمات البنكية اللي بتقدمها البنوك من هنا: الخدمات البنكية عن طريق الإنترنت

البنوك اللي حصلت على رخصة المدفوعات اللحظية

• البنك الأهلي.
• بنك مصر.
• البنك التجاري الدولي CIB.
• QNB مصر.
• بنك الإسكندرية.
• بنك مصر الخليجي (EG).
• بنك القاهرة.
• البنك العربي.

معلومات عن تطبيق انستا باي

 

هو تطبيق مدعوم من جانب القطاع المصرفي يسمح بإضافة حساباتك المصرفية وإجراء تحويلات لحظية على مدار الساعة طول أيام الأسبوع من خلال موبايلك.

كل اللي عليك إنك هتستخدم رقم موبايلك، وعنوان التعريف اللحظي، ورقم الحساب البنكي، وكمان هتقدر تحول الفلوس لأي محفظة إلكترونية وأي كارت، وهيتم تفعيل instapay من خلال خدمات "الإنترنت البنكي" و"الموبايل البنكي".

مميزات تانية لتطبيق instapay

• هتقدر تربط كل حساباتك البنكية في تطبيق واحد.
• هتعرف تستفاد من التحويلات لللحظية على مدار 24 ساعة طول أيام الأسبوع.
• هتعرف تحول فلوس من الحسابات البنكية وبطاقات ميزة مسبقة الدفع.
• هتقدر تحول فلوس لأي حساب بنكي أو محفظة إلكترونية أو بطاقة إلكترونية.
• كل التحويلات هتحصل تحت إشراف البنك اللي بتتعامل معه لضمان سرية بياناتك.

اعرف أكتر عن مميزات الموبايل البنكي من هنا: 5 مميزات للموبايل البنكي هتسهل عليك معاملاتك المالية