تحجز ازاي وحدة سكنية مفروشة بـ 400 جنيه شهريًا؟

وزارة الإسكان والمرافق والمجتمعات العمرانية الجديدة بتستعد، خلال الفترة الجاية، لطرح إعلان شقق الإسكان بنظام الإيجار بعدد من محافظات الجمهورية، وهيكونوا 100 ألف وحدة سكنية مفروشة بـ 400 جنيه شهريًا.

فايدتي هتقولك على مواصفات الشقق دي والأولوية لمين وكمان الوحدات السكنية اللي هيتم طرحها ضمن إعلان شقق الإسكان بنظام الإيجار ايه هي مميزاتها.

تحجز ازاي شقتك إلكترونيًا؟ اعرف أكتر من هنا: 7 خطوات لحجز شقتك على موقع صندوق الإسكان الاجتماعي

مواصفات الـ 100 ألف وحدة سكنية

الوحدات السكنية اللي هتطرحها وزارة الإسكان خلال الفترة الجاية هتكون عبارة عن شقق إسكان بنظام الإيجار وعدها 100 ألف وحدة، ومواصفاتها: 

• وحدة سكنية.
• كاملة التشطيب.
• كاملة الفرش.
• جاهزة للإسكان الفوري.
• غالبًا هتبدأ قيمة الإيجار الشهري للوحدات السكنية دي من 400 جنيه شهريًا.

الموقع الرسمي لوزارة الإسكان والمرافق والمجتمعات العمرانية الجديدة من هنا

الأولوية هتكون لمين؟

الأولوية هتكون للفئات محدودة الدخل وحديثي الزواج ممن لم يتمكنوا من الحصول على وحدة سكنية بنظام التملك. 

صندوق الاسكان الاجتماعي: رابط تقديم الطلبات لوحدات دار مصر

المرحلة الأولى من المشروع

حسب التقارير الصحفية فغالبًا وزارة الإسكان والمرافق والمجتمعات العمرانية الجديدة، هتطحر المرحلة الأولى من الوحدات دي قريبًا وزي ما قولنالك هتكون كاملة التشطيب وجاهزة للسكن.

الوحدات السكنية اللي هيتم طرحها ضمن المشروع دا هتكون شبه اللي تم طرحها في المرحلة السابقة من شقق الإيجار اللي كانت في 2016.

مدة الإيجار هتكون قد ايه؟

مدة الإيجار هتكون محددة في العقد، وكذلك قيمة الإيجار، وسيكون في بدائل متاحة أمام المتقدمين.

وكمان هيكون في إمكانية لتملك الوحدة في نهاية المدة الإيجارية والوحدات ستكون مفروشة وجاهزة للسكن بالإيجار وفي نهاية المدة الإيجارية سيتم إتاحة تملك الوحدة مع خصم الإيجار الشهري من ثمن الوحدة.

ايه هي مميزات إعلان شقق الإسكان بنظام الإيجار؟

• الوحدات السكنية اللي هيتم طرحها ضمن إعلان شقق الإسكان بنظام الإيجار هتكون متاحة بعدد من محافظات الجمهورية.
• الوحدات السكنية اللي هيتم  طرحها ضمن إعلان شقق الإسكان بنظام الإيجار كاملة التشطيب، ومفروشة وجاهزة للسكن.
• هيكون متاح شقق سكنية بمساحات مختلفة بعضها 75 مترًا وبعضها 90 مترًا.
• الوحدات السكنية التي سيتم طرح ضمن إعلان شقق الإسكان بنظام الإيجار ستكون الأولوية فيها لحديثي الزواج من محدودي الدخل.