أمن ضد الحوادث!
أمن ضد الحوادث!
أمن ضد الحوادث!

أمن نفسك ضد الحوادث بأقل من 100 جنيه في السنة!

faydety-logo-text

تعرف إيه عن الضريبة العقارية وشرائحها وإساثنائتها!

تاريخ النشر: 25 أبريل 2021

عالم المال

تعرف إيه عن الضريبة العقارية وشرائحها وإساثنائتها!

اعرف أكتر عن شرائح الضريبة العقارية

 كان اسمها العوايد زمان، وكانت بتتفرض على العقارات اللي بيتم تأجيرها، وبتوصل لـ10% للوحدات الغير سكنية، ومن 10% لـ 40% للوحدات السكنية على حسب الشريحة اللي العقار بيقع فيها. فكانت العوايد بتدفع عن طريق الملاك اللي بيأجروا المباني بتاعتهم، وبعدين تم تعديل قانون الضريبة العقارية رغم إن الضريبة دي موجودة من سنة 1954.

في 2014، تم إصدار تعديل للقانون، فأصبحت كل العقارات المبنية على أراضي مصرية وقيمتها أعلى من 2 مليون جنيه مصري خاضعة للضريبة مع بعض الاستثناءات، فبعد التعديل ده، أصبحت مباني كتير خاضعة للضريبة، وتم إلغاء العوايد تماماً، وحلت محلها الضريبة العقارية.

 

ازاي بتتحسب سعر الضريبة؟

 

الضريبة سعرها موحد وهو 10% من القيمة الإيجارية السنوية للمبنى بعد ما بيتم خصم المصاريف وهي 30% للمباني السكنية، و32% للمباني الغير سكنية. وبيتم تحديد القيمة الإيجارية للمبنى عن طريق لجنة متخصصة من مصلحة الضرايب. 

 

شرائح الضريبة العقارية:

 

  1. الوحدة العقارية اللي قيمتها السوقية 2 مليون جنيه، تُستحق عنها ضريبة عقارية 120 جنيه سنوياً.
  2. الوحدة العقارية اللي قيمتها السوقية 2.5 مليون جنيه، تُستحق عنها ضريبة عقارية 750 جنيه سنوياً.
  3. الوحدة العقارية اللي قيمتها السوقية 3 مليون جنيه، تُستحق عنها ضريبة عقارية 1380 جنيه سنوياً.

 

الضريبة سعرها موحد وهو 10% من القيمة الإيجارية السنوية للمبنى 

 

الاستثناءات والإعفاءات:

 

  • المباني أو الشقق اللي بتقل قيمتها عن 2 مليون جنيه مصري.
  • المسكن الرئيسي للشخص أو العائلة مدام قلت قيمته الإيجارية عن 24,000 جنيه في السنة.
  • أي عقار غير سكني بتقل قيمته الإيجارية عن 1200 جنيه في السنة.
  • المباني اللي لسة بتتأجر بإيجار قديم.
  • المباني اللي بتعتبر منفعة عامة.
  • المباني الحكومية واللي بتتبع للجيش.
  • مباني الأحزاب السياسية.
  • مباني مراكز الشباب والرياضة.
  • مباني المؤسسات الغير ربحية زي المستشفيات والمدارس.
  • المباني المملوكة من جهة حكومية أجنبية.
  • الأراضي الغير مستغلة.
  • المقابر.

 

تقديم الإقرار الضريبي:

 

دلوقتي تقدر تقدم الإقرار الضريبي الخاص بيك وتسدد مبلغ الضرايب كمان عن طريق منصة مصر الرقمية من غير مشاوير.

وتقدر تعرف أكتر عن خدمات المنصة من هنا، مستقبل الخدمات الحكومية في مصر: منصة مصر الرقمية

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع