تفتكر برج إيفل محتاج كام علشان يتصلح من الصدأ اللي عليه؟

برج إيفل من أهم المعالم في فرنسا والعالم اللي بتلفت نظر ناس كتير كل سنة في إنهم يروحوا هناك ويتصوروا قدامه في الساحة بتاعته، والبرج ارتفاعه 324 متر من الحديد المطاوع واللي بناه جوستاف إيفل Gustave Eiffel.

برج إيفل اتبنى في نهاية القرن الـ 19، وبيُعتبر من أهم وأكتر المواقع السياحية زيارة في العالم، وليك إنك تعرف إن البرج بيستقبل 6 ملايين زائر كل سنة لكنه حاليًا محتاج إصلاحات بسبب الصدأ اللي عليه1.

إصلاحات كاملة

برج إيفل يُعاني حاليًا من الصدأ علشان كدا محتاج إصلاحات كاملة قبل دورة الألعاب الأولمبية لعام 2024 في باريس، والكلام دا حسب ما نشرت مجلة ماريان الفرنسية.

حسب التقارير الرسمية برج إيفل محتاج طلاء تجميلي قيمته بتوصل لـ 60 مليون يورو، وحاليًا حالته سيئة والصدأ متمكن منه، وهي المرة الـ 20 اللي بيتم فيها إعادة طلاء البرج. 

بمناسبة كلامنا عن الأبراج، اعرف أكتر من هنا: برج العاصمة الإدارية الجديدة الأعلى في أفريقيا: اتكلف كام؟

ايه سبب تأخير الطلاء؟

سبب تأخير طلاء برج إيفل جائحة كورونا واللي عطلت عملية التعامل مع الطلاء القديم وعلاج الصدأ، وحسب مجلة ماريان كان من المفترض أن يتم تجديد حوالي 30٪ من البرج ثم تم وضع طبقتين جديدتين منه.

التأخير في الطلاء اتسبب في وجود الرصاص فى الطلاء القديم يعني أنه سيتم علاج 5% فقط.

إمكانية غلق برج إيفل

خلينا نقولك كمان إن الشركة اللي بتشرف على البرج Societe d'Exploitation de la Tour Eiffel (SETE) ، مترددة فى إغلاق برج إيفل حاليًا لفترة طويلة بسبب عائدات السياحة اللي هتفقدها.