4 علامات ان عربيتك محتاجة ظبط زوايا وأسعارها في 2022
تاريخ النشر: 20 سبتمبر 2022 عالم المال
خلي بالك لو عربيتك بتحدف منك في اتجاه واحد و انت سايق!
أحيانا و انت سايق ممكن تلاقي العربية بتميل منك يمين أو شمال وتبتدي تحس أن العربية مافيهاش توازن؟
دا بيكون ملحوظ اكتر لو العربية ماشية على سرعة ،دا ببساطة بيحصل لما بيكون في عدم اتساق في زوايا الإطارات و ساعتها بتكون الإطارات محتاجة ظبط زوايا علشان يكون كل اطار موجه بنفس اتجاه باقي الإطارات.
تبص امتى في مرايات العربية وأنت سايق اعرف أكتر من هنا: امتى تبص في مرايات العربية وأنت سايق عربيتك؟
امتى اعرف ان عربيتي محتاجة ضبط زوايا؟
- الطارة بتتهز منك أثناء القيادة و بيكون في عومان في العربية اثناء السير.
- بتسمع صوت صفير في العجل الامامي بالأخص عند اليوتيرن و المنحنيات.
- العجل بيكون متاكل من الداخل او الخارج.
- سيبت الطارة لثانية و لقيت العربية بتميل منك في اتجاه سواء كان يمين او شمال بس طبعا ماتسيبهاش اكتر من ثانية أو اتنين.
و ماتنساش تحمي عربيتك و تأمن عليها من الحوادث و الخبطات، أمن عليها دلوقتي بسهولة و في ثواني مع فايدتي من هنا
ازاي تحافظ على العمر الافتراضي لعربيتك؟ اعرف أكتر من هنا: 10 نصايح هتحافظ بيها على العمر الافتراضي لعربيتك
أسعار ظبط الزوايا في مصر و افضل اماكنها 2022
ظبط الزوايا هي صيانة مش مكلفة خالص ، تكلفتها بتتراوح من 60 ل 100 جنيه .
طبعا الأسعار بتختلف من مكان لأخر و ممكن تزيد لو في خدمات مصاحبة لظبط الزوايا، دا غير انك ممكن تظبط الزوايا في أي مكان من اول البنزينة لحد المراكز المتخصصة في الأطارات و صيانتها بس احنا هنقولك أشهر الأماكن:
- Fit & Fix و ليهم فروع في محافظات كتير ممكن تعرف عناوينهم من هنا
- مركز خدمة إطارات تمكو- و ليهم فروع في محافظات كتير ممكن تعرف عناوينهم من هنا
- غطاطي- و ليهم فروع في محافظات كتير ممكن تعرف عناوينهم من هنا
- مركز عباد الرحمن لضبط زوايا السيارات - صقر قريش في المعادي و هتلاقي العنوان و تقدر تتواصل معاهم من هنا
و ماتنساش تحافظ على عربيتك و تعمل كشف بشكل دوري للزاوايا على الأقل مرة في السنة او لو ركبت إطارات جديدة أو لو غيرت أجزاء من العفشة أو بعد أي حادثة.
