7 حاجات لبداية مشروع فاشل اوعى تعملها!
تاريخ النشر: 15 يونيو 2022 عالم المال
من الأخطاء إنك تقفل على نفسك وماتتبعش حركة السوق!
قررت تفتح مشروع؟ طيب خلي بالك من 7 حاجات ناس كتير بتقع فيها في البداية والمشروع بيفشل، فايدتي هتلم الموضوع وتقولك على حاجات بتخلي المشروع يفشل ومايكملش ولازم تخلي بالك وماتعملهاش.
يمكن النموذج الأقرب حاليًا للمشروع اللي فشل وبان في بدايته إنه ضخم لكن في النهاية أعلن إفلاسه هو مشروع صيدليات 19011، وحاول تتعلم من التجربة دي وماتنخدعش بالفروع الكتير.
سبب من ضمن الأسباب اللي هنقولهالك الربح السريع أو الانتشار السريع دا مش دليل قوي على النجاح بالعكس ممكن يكون مؤشر خادع هيخلي مشروعك تفشل، يلا نبدأ رحلتنا سوا ونعرف ايه كمان أسباب تبوظ أي مشروع، وهنقدملك نصايح للنجاح.
اعرف أكتر عن صيدليات 19011 من هنا: ازاي سلسلة صيدليات 19011 فلست؟
السبب الأول لفشل المشروع
من أكبر العوامل اللي بتحكم على مشروعك بالفشل من البداية إن مفيش خطة واضحة لحركة الفلوس، والمجازفة بتكون مش محسوبة ودا طبعًا مش صح لازم تكون كل حاجة مدروسة وفي دراسة جدوى كمان.
السبب التاني لفشل المشروع
إنك ماتتوقعش الخسارة وتفكر بس في السيناريوهات الوردية دي مش حكمة لازم دايمًا تكون جاهز لكل السيناريوهات اللي ممكن تحصل وازاي ممكن تتعامل معاها.
خطط لميزانية مشروعك بشكل سليم، اعرف أكتر من هنا: 5 حاجات تعملها علشان تخطط لميزانية مشروعك فى 2022
السبب التالت لفشل المشروع
مش شرط إن الأماكن اللي فتحت فروع كتير تكون ناجحة جدًا بالعكس أديك شفت مشروع زي 19011 أد ايه انتشروا بشكل كبير لكن الأسس بتاعة المشروع نفسها ماكنتش سليمة والأمثلة مفيش أكتر منها، ركز في فرع واحد ومع الوقت تقدر تتحرك وتفتح فرع تاني بس المهمة ماتستعجلش.
السبب الرابع لفشل المشروع
اوعى تكون فاكر إن الإدارة سهلة طالما أنت خبير في المجال، بالعكس أنت محتاج ناس خبرة وعندها فنون إدارية علشان تقدر تنفذ المشروع وتتعامل مع الموظفين وتكون المؤسسة قوية حتى لو لسه في البداية لازم تكون حريص على عنصر الإدارة بلاش فكرة إنك فاهم في كل حاجة وهتقدر تعمل كل حاجة لوحدك.
عاوز تبدأ مشروع ناجح؟ اعرف أكتر من هنا: 5 خطوات علشان تبدأ مشروع ناجح قبل التنفيذ
السبب الخامس لفشل المشروع
لازم تكون حريص على متابعة كل كبيرة وصغيرة في مشروعك وماتنبهرش بالنتايج الأولية السريعة حتى لو عظيمة جدًا لأن حركة السوق متغيرة وفي عوامل كتير
السبب السادس لفشل المشروع
لازم تتابع حركة السوق وتشوف المنافسين وتعرف ايه إمكانياتك وماتبقاش تقليدي لازم تعرف جمهورك كويس سواء بتقدم خدمة أو بتبيع منتج.
السبب السابع لفشل المشروع
ودي نقطة ناس كتير بتقع فيها في بداية المشروع بتبقى بعيدة كل البعد عن الجمهورالمستهدف ومش عارفة ايه هي اهتماماته ولا بيفكر ازاي وطبعًا مش عارف توصله الحاجة اللي بتقدمها بأفضل شكل ممكن
احصل على أفضل تمويل مشروعك الصغير بتمويل يصل لـ 150 ألف للمشاريع القائمة، بتقسيط لمدة بتوصل لـ24 شهر! من هنا
