إيه الفرق ما بين الكريدت كارد المضمونة واللي مش مضمونة!

البنك بيقدم أنواع كتير من الكريدت كارد/Credit Card وانت بتختار أكتر نوع مناسب على حسب احتياجك وظروفك المادية، وبطاقة الائتمان هي أفضل حل يقدر يغطي أي أزمة مالية سريعة بتعدي بيها زي لو عايز تجدد موبايلك، أو تشتري لاب توب.. ..ألخ.

ولو قررت تقدم على بطاقة ائتمان، احنا هنقولك على أشهر نوعين، طريقتين للتقديم!
 

 1- بطاقة الائتمان بضمان وعاء ادخاري "Secured":

لو اختارت النوع ده هتحتاج تحط فلوس وتربطها كـ شهادة استثمار عشان تكون ضمان للبنك وكأن الشهادة دي بوليصة تأمين، والشهادة بتبقى مربوطة بـ وقت معين ، ويفضل تدفع الأقساط بتاعتك كل شهر عشان مينزلش عليك فايدة، وممكن يسحب فايدة الشهادة أو يكسرها

تفاصيلها:

• بطاقة الائتمان بتكون مضمونة بالشهادة، يعني في اسوأ الاحوال لو معرفتش تسدد الاقساط اللي عليك لـ فترة   طويلة، البنك بيضطر يسحب من مبلغ الشهادة الأصلي عشان يغطي مديونية الكارت.
• بطاقة الائتمان المضمونة فيها كل أنواع المكافآت زي العادية بالظبط.
• الحد الائتماني بتاع بطاقة الائتمان هيبقى نسبة من المبلغ اللي في الشهادة بحد أقصى 90% من قيمة الشهادة.
• ماينفعش تكسر الشهادة قبل ما تلغي الكريدت كارد/ Credit Card
• نسبة الفايدة بتكون أقل فى النوع ده، لأن فوايد الشهادة بتساعدك في التسديد.
• النوع ده إجراءاته أسرع لأنك عميل في البنك.

لو اتأخرت على سداد القسط، نسبة الفايدة بتكون أعلى فى البطاقة اللي مش مضمونة

2 - بطاقة الائتمان بضمان مصدر الدخل"Not Secured":

النوع ده من بطاقات الائتمان بيستهدف الناس اللي الـ I-Score /تاريخهم الائتماني قوي، يعني معندهمش تاريخ سيئ مع سداد أقساط منتجات الاقتراض، والكارت هنا مش بيبقي بضمان مبلغ معين، لكن لازم يرتبط بمصدر دخلك.
 

تفاصيلها:
 

• لو اتأخرت على سداد القسط، نسبة الفايدة بتكون أعلى من البطاقة المضمونة.
• البطاقة هتساعدك في السفر أو تحويل الفلوس وبـ بفايدة قليلة من غير ما يكون عندك رصيد في البنك.
• الإجراءات بتاخد وقت أطول عشان البنك لسه هيراجع بياناتك، مرتبك والـ I-Score.
• الحد الائتماني فى النوع ده محدود بدخلك، يعني كـ حد أقصي للكارت بيكون ضعف مرتبك أو 3 أضعافه (في بعض البنوك).

لو عايز تعرف أكتر عن تفاصيل فيزا المشتريات ادخل هنا، 10 أسرار للكريدت كارد البنك مش هيقول لك عليها

وقدم دلوقتي علي بطاقة الائتمان بعد ما تقارن بين البنوك المختلفة على فايدتي، فى دقايق من مكانك!