الفرق ما بين سعر الفايدة على المنتجات البنكية المختلفة

سعر الفايدة ببساطة هو الحسبة اللي بتتفق مع البنك عليها من البداية، وبتزيد عليك بس في حالة القروض والكريدت كارد/Credit Card، وده غير نسبة الفايدة اللي بتطلعلك زيادة على فلوسك اللي عملتها إيداع في حالة الودايع والشهادات.

مصر فيها أكتر من نوع لسعر الفايدة بيتغير على حسب المنتج البنكي ودا اللي هنشرحه بالتفصيل.

القروض:

خلينا نقولك إن في طريقتين لحساب سعر الفايدة اللي بتخص القروض وبطاقات الائتمان، وهي الفايدة الثابتة والفايدة المتناقصة، وفي الحالة دي بيكون سعر الفايدة معظم الوقت سنويًا، فيما عدا الفايدة على الكريدت كارد/ Credit Card لأنها بتكون شهريًا ومش بتنزل على القسط بتاعك إلا فى حالة انك عديت فترة السماح، والفرق ما بين الفوايد هو: 

الفايدة المتناقصة: في المعدل ده الفايدة بتتحسب بس على المبلغ المتبقي من القرض خلال اى فترة زمنية.
 

الفايدة الثابتة: المعدل ده بيمثل شكل تانى من الفايدة، والفايدة هنا بتتحسب على مبلغ القرض بالكامل.

  لو عايز تحسب اقساط فيزا المشتريات المتأخرة عليك استخدم حاسبة فوايد بطاقة الائتمان على موقع فايدتي.
 

هل في فرق بين الفايدة الثابتة والفايدة المتناقصة؟

لا مفيش فرق لأن الاتنين بيعبروا عن مبلغ فايدة واحد لكن بطريقتين مختلفتين للحساب، بتحتاج تتأكد بس قبل ما تقدم أي نوع أفضل لك سواء كان على قرض أو بطاقة ائتمان.

شهادات الاستثمار والودايع:

هنا بيكون سعر الفايدة على الودايع ثابت دايما مابيتغيرش، لكن بالنسبة لشهادات الاستثمار فـ ليها 3 أنواع، هما:

سعر الفايدة على الودايع ثابت دايما مابيتغيرش، لكن بالنسبة لشهادات الاستثمار فـ ليها 3 أنواع

الفايدة الثابتة:

 ده أكتر نوع أمان من الفوايد لأنه مبيتأثرش بأي تغيير بيعمله البنك المركزي، وعشان كده استحالة يقل بس كمان استحاله يزيد.

الفايدة المتغيرة:

ده بقي النوع اللي بيتغير كل شوية مع آخر تغير بيعمله البنك المركزي وبيعلي ويقل مع قراراته، وبعكس النوع الثابت ده في مخاطرة كبيرة لأن ممكن السعر يقل فجأة.

الفايدة المتراكمة:

 النوع ده مختلف شوية لأنك مبتقدرش تسحب الفايدة وقت نزولها، لكن بتستفيد من إنها بتتراكم مع المبلغ الأصلي اللي أنت حاطه في الشهادة وده بيعلي المبلغ اللي بيتحسبلك عليه الفايدة.

اعرف اكتر عن الفايدة المتراكمة من هنا، إيه هي شهادة الاستثمار التراكمية ومميزات التقديم عليها؟