ايه هى أنواع الفايدة على شهادات الاستثمار؟

تاريخ النشر: في قاموس الفلوس

ايه هى أنواع الفايدة على شهادات الاستثمار؟

اعرف ايه هى أنواع الفايدة على شهادات الاستثمار

كل شخص بيفكر في أنسب طريقة عشان يحافظ بيها على فلوسه ويكسب منها كمان، والبنك هو أفضل وأأمن مكان تقدر تستثمر فيه، ومن أحسن الطرق اللي تشغل بيها فلوسك في البنك هي شهادة الاستثمار.

 

ايه هى شهادة الاستثمار؟

 

هي منتجات ادخارية بتبدأ مدتها من سنة في بعض البنوك، وبتوصل لـ 10 سنين، والعائد عليها ممكن يكون شهري، أو ربع سنوي، أو نص سنوي، أو سنوي على حسب اتفاقك مع البنك من البداية.

 

 أنواع الفايدة على شهادة الإستثمار:

 

1- الفايدة الثابتة:

 

النوع ده مناسب جدا للناس اللي بيفضلوا الاستقرار في حياتهم، ومعناه أن سعر الفايدة بيكون ثابت طول مدة الشهادة واستحالة يتأثر بأي تغيير ناتج عن اجتماعات البنك المركزي.

 

 

العائد اللي بيتراكم من الشهادة المتراكمة بيطلعلك عليه فايدة زيه زي المبلغ الأصلي اللي أودعته في البداية

 

 

2- الفايدة المتغيرة:

 

لو متابع أحوال البلد والتغييرات اللي بتحصل في الاقتصاد، فـ النوع ده هيبقى مناسب ليك لأن معاه سعر الفايدة بيتغير كل فترة وبيتحدد من البنك المركزي (سعر الكوريدور)، فـ ممكن سعر الفايدة يزيد فترة وبعد كده يقل مرة واحدة أو العكس.

 

3- الفايدة المتراكمة:

 

الفايدة دي بتكون مع الشهادة المتوسطة وطويلة الأجل اللي بتبدأ من 3 سنين، والفايدة بتكون ثابته طول مدة الشهادة، بس انت مش بتاخد الأرباح بتاعتك غير في آخر مدة الشهادة. بمعني تاني، الشهادة دي بتحوش لك مبلغ الشهادة نفسه والفوايد كلها لآخر مدتها، ده غير أن العائد اللي بيتراكم بيطلعلك عليه فايدة زيه زي المبلغ الأصلي اللي أودعته في البداية.

 

لو عايز تعرف أكتر عن الشهادة التراكمية ممكن تدخل هنا، إيه هي شهادة الاستثمار التراكمية؟

 

أما لو عايز تشتري  شهادات استثمار دلوقتى،  فتقدر تقارن وتختار بين الشهادات في البنوك المصرية المختلفة على موقع فايدتي من مكانك.