ازاي بـ 4 خطوات تكسب فلوس من فيديوهات تيك توك TikTok!
تاريخ النشر: 13 يناير 2022 نصايح ببلاش
أنت محتاج على أقل تقدير 10 آلاف متابع علشان تبدأ فعلًا تكسب فلوس من تيك توك
عاوز تحقق انتشار سريع وربح كويس من تيك توك TikTok؟ يبقى لازم تقدم فكرة مختلفة وطريقة عرض لطيفة لأن الجمهور هيعرفك من خلال طريقتك وكأن الأكونت اللي هتعمله عامل زي علامة تجارية بتسوق ليها.
ولو الشركات لقيت إن عندك متابعين كتير وفي تقدم مستمر ممكن يتعاقدوا معاك علشان تسوق لعلامتهم، وسهل إنك تنتشر على تيك توك مقارنة بمواقع السوشيال ميديا عمومًا، ومع الاستمرارية هتحقق النجاح المطلوب.
ودي شوية خطوات هتساعدك تكسب فلوس منه:
1- اهتم بالمحتوى
بلاش تقلد أو تكرر خليك مختلف وقدم محتوى قوي، شوف أنت شاطر في ايه وابدأ، وكمان لازم يكون المحتوى اللي بتقدمه جديد وفريد من نوعه ومُسلي، ومع الاستمرارية اليومية في رفع فيديوهات هيحصل فرق.
ممكن كمان تشارك في التحديات المتعلقة بالهاشتاجات المناسبة علشان الفيديو بتاعك يوصل لأكبر عدد من الناس.
2- اكسب متابعين
حاول تحصل على أكبر عدد من المتابعين لأن دي خطوة في منتهى الأهمية، وسهل إنها تتحق لو اهتميت بالمحتوى القوي، ويُفضل إنك تتابع كذا أكونت مشابه للي بتقدمه، وحط في اعتبارك إن المتابعين هما أهم جزء في تحقيق فلوس من تيك توك.
محتاج متابعين أد ايه علشان تقدر تكسب فلوس؟
مجلة "فوربس" قالت إنك محتاج على أقل تقدير 10 آلاف متابع علشان تبدأ فعلًا تكسب فلوس من تيك توك، وكمان كل ما عدد المتابعين ليك زاد هيزيد معاها احتمالية إن العلامات التجارية تدفعلك فلوس علشان تعلن عن منتجاتها.
3- روج لقناتك على يوتيوب
ممكن كمان تحقق فلوس من تيك توك عن طريق انك تعمل منتج خاص بيك على يوتيوب وتنزل جزء صغير على تيك توك وتقول للمتابعين لو عاوزين تشوفوا الفيديو كله تقدروا تروحوا على يوتيوب.
اعرف ازاي ممكن تكسب فلوس من وسائل التواصل الإجتماعية التانية من هنا، ازاي تكسب فلوس عن طريق مواقع الـ Social Media المختلفة؟
4- بث مباشر على "تيك توك"
لو عندك أكتر من 1,000 متابع على TikTok ممكن تبدأ تعمل بث مباشر وتحقق الفلوس من الطريقة دي، وتقدر تكسب من خلال بيع العملات المعدنية بعد انتهاء البث اللي بياخدها المتابعين أثناء البث المباشر.
والعملات دي تقدر تستبدلها بفلوس حقيقية زي ما بيحصل في أبلكيشن Twitch.
