ازاي تكسب فلوس عن طريق مواقع الـ Social Media المختلفة؟

تاريخ النشر: في نصايح ببلاش

ازاي تكسب فلوس عن طريق مواقع الـ Social Media المختلفة؟

5 حاجات هتساعدك تكسب فلوس من السوشيال ميديا!

مواقع السوشيال ميديا فى بدايتها كانت وسيلة للتواصل بس! لكن مع الوقت بقى ليها دور فى الدعاية والاقتصاد وبتأثر على نجاح أو فشل المنتجات والشركات، ده غير أن على أساسها ظهرت الكتير من الوظايف الجديدة.

 

واثبتت احصائيات موقع Hootsuite ان في 59.5 مليون شخص بيتسخدموا الإنترنت في مصر سنة 2021، يعني أكتر من نص عدد سكان مصر، ولان فعلا الموضوع بيستحق التجربة، هنقولك الطرق اللى هتساعدك تكسب فلوس من خلال مواقع التواصل الاجتماعي/Social Media!


 

1-انشر هوايتك فى بلوج/ Blog

 

لو عندك موهبة الكتابة ممكن تنشر هوايتك وتبقي مدون/ Blogger، فى البداية بتختار المجال اللى بتحبه زي الأكل أو الـ Make-up او السفر أو ...إلخ. بعدها بتبدأ تجرب أكتر من منتج، مكان، أو خدمة وتحكي عن تجربتك، ودايما بتحتاج تعمل أكونت على أكتر من موقع للسوشيال ميديا عشان الناس تعرف أكتر عنك، ومع الوقت هتبدأ الناس تطلب منك رأيك في خدمتهم أو منتجهم بمقايل مادي وده طبعا بعد ما تعمل جمهور.


 

وفى نوع تانى اسمه Vloggers ودول بيبقوا موجودين بنسبة كبيرة على الـ YouTube، وبيكسبوا فلوس أكتر بسبب الاعلانات اللى بتنزل على الفيديوهات بتاعتهم لما يكملوا 1,000 Subscribers، ويوصلوا لـ 40,000 ألف مشاهدة.



 

2- ليك في الحرف اليدوية؟

 

لو بتحب تعمل حاجات Hand-Made، ده هيساعدك تخلق لنفسك فرصة كبيرة في السوشيال ميديا، بمعنى انك لو بتعمل اكسسوارات أو منتجات جلدية مثلاً ، كل اللى محتاج تعمله انك تحسب تكلفة المصنعية، وتزود عليها مكسبك اللى بتحدده على حسب سعر السوق في المجال اللى بتشتغل فيه وتبيع منتجك على الـ Pages  على السوشيال ميديا.


 

واثبتت احصائيات موقع Hootsuite ان في 59.5 مليون شخص بيتسخدموا الإنترنت في مصر سنة 2021


 

3- بتحب السفر؟

 

لو بتحب تسافر كتير وعارف كل أسرار الطرق، لازم تستغل الفرصة دي وتعمل صفحة على الفيسبوك وممكن تبقي منظم رحلات بعد ما تعمل جمهور ودعاية لرحلاتك من خلال صورك بس.



 

4- لو بياع شاطر!

 

امسك في المهارة دي بأيدك واستغلها، اعمل شراكة مع موردين لمنتجات مختلفة واشتري منهم بضاعة كتيرة بسعر الجملة وبيعها للناس على السوشيال ميديا بسعر يناسب الفئة اللى بتتعامل معاها، والأهم من كده تتأكد من جودة المنتج اللى بتبيعه عشان تكسب عميل لان ده اللى هيعيش معاك، كل اللي محتاج تعمله هو جروب أو صفحة على الفيسبوك وتطلب من كل معارفك إضافة أصحابهم عليه.


 

5- اكسب فلوس من الـ Marketplace!

 

ظهر على الفيسبوك في 2016 خاصية جديدة اسمها الـ Marketplace، دي يقدر من خلالها أي شخص يبيع أي منتج عنده ومش محتاجه زي الموبايل، أو الأجهزة الكهربائية أو هدوم سوارية. كل اللي محتاج  تعمله أنك تحط صورة المنتج اللى عايز تبيعه على الـ Marketplace وتكتب شويه مواصفات عنه وساعات بعض الناس بتكتب السعر كمان.