أمن عربيتك!
أمن عربيتك!

أمن عربيتك!

عارف أنك تقدر تأمن عربيتك بأقل من 2% من قيمة السيارة؟


 

ازاي تبقى صاحب شركة ناشئة / Startup ناجحة: التكنولوجيا!

تاريخ النشر: في نصايح ببلاش

ازاي تبقى صاحب شركة ناشئة / Startup ناجحة: التكنولوجيا!

ازاي تطبق التكنولوجيا على شركتك؟

بما أن الشركات الناشئة أو المعروفة عالميا بـ Startup زادت جدا في الفترة الأخيرة  خاصة أن معظمهم أبلكيشن وويب سايت، ومع حب الشباب لبداية مشروعاتهم الناشئة الجديدة، هنقولك في سلسلة مقالات إزاي تقدر تمتلك Startup ناجحة، والخطوات اللي محتاج تعملها.

 

ازاي استخدم التكنولوجيا فى الـ Startup!

 

التكنولوجيا تحدي كبير لأصحاب الشركات الناشئة / Startup، ولما تستخدمها مظبوط هتساعدك تحقق مكسب كبير من رأس مالك في وقت أسرع، وده هيحصل لما تبقى على دراية كاملة  بكل جديد بيحصل في سوق العمل، وتحاول تطبقه في شركتك  بطريقة تناسب مجال شغلك وتسهل وصول العملاء لشركتك.

 

لو لسه تايه في فكرة الـ Startup  ممكن تأخد أفكار من هنا، ازاي تبقي صاحب Startup ناجحة: الفكرة!

 

طب ازاى تستخدم التكنولوجيا في تطوير شركتك:


 

1- عملائك أولا!

 

لو شركتك بتكبر والعملاء بتزيد يوم بعد يوم، يبقى لازم تستخدم التكنولوجيا للتواصل مع عملائك عن طريق:

 

  • اعمل صفحة على الفيسبوك باسم شركتك، واعمل فريق متخصص يقدم منتجات الشركة للعملاء، ويرد على استفساراتهم، ويستقبل الشكاوى والاقتراحات.

 

  • وبرضه من خلال السوشيال ميديا، ممكن تسهل على العملاء وتاخد منهم مواعيد، وده بيبقى مناسب جدا لشركات الدعاية والإعلان، والعيادات، ومراكز التجميل.

 

  • عشان العميل دايما رقم واحد، فـ يفضل كل فترة تعمل استطلاع رأي أونلاين عشان تعرف اراء العملاء في الشركة، وفي المنتجات والخدمات اللى بتقدمها.

 

التكنولوجيا تحدي كبير لأصحاب الشركات الناشئة / Startup، ولما تستخدمها مظبوط هتساعدك تحقق مكسب كبير من رأس مالك في وقت أسرع،

 

2- ظبط شغلك!

 

الفترة اللى فاتت ولحد دلوقتى، فى شركات كتير بسبب كورونا خلت موظيفنها يشتغلوا من البيت، بس طبعا عشان تضمن جودة الشغل، يبقى يفضل تتواصل مع الموظفين وتتابع شغلهم أول بأول عن طريق:

 

  • تحديد اجتماعات بشكل دوري لمتابعة الفريق، والاجتماعات دي ممكن تحصل على تطبيقات كتير زي: ZOOM، وGoogle Meets.

 

  • عشان تساعد شركتك تنجح، يفضل يبقى عندك CRM System، وده هيساعدك تجمع عملائك كلهم في مكان واحد وتعرف نوع العميل و هل مثلا هيشتري كاش ولا قسط، وبيخليك تعرف نسبة البيع والمكسب اللى حققته، ومن أشهر الـ CRM Systems: Odoo, Pipedrive

 

  •  طور دايما من مهارات الموظفين، ووفرلهم كورسات اونلاين ببلاش على مواقع مختلفة زي almentor، لان ده هيأثر على نجاح الشركة في وقت قصير.


 

3- التسويق الإلكتروني هو الأهم!

 

التسويق في العموم مرتبط جدا بالتكنولوجيا، ومع ظهور وسائل التواصل الإجتماعي زي الفيسبوك، وتويتر، وانستجرام، وغيرهم، ظهر نوع جديد من التسويق تحت مسمى التسويق الإلكتروني، وبقى بيأثر على نجاح الشركات بنسبة كبيرة. طب ازاى تستخدم التسويق الإلكتروني في شركتك؟

 

  • اختار وسائل التواصل الإجتماعي المناسبة لـ طبيعة عملك، عشان تعلن على المنتجات والخدمات اللى بتقدمها، يعني مثلا لو بتقدم أجهزة كهربائية، فلازم تحدد الفئة المستهدفة واللي هتشتري المنتج منك، ومن أشهر الـ Case Studies المشهورة هى شركة العربي / Elaraby Group واللي عملت حملة اعلانية على  الفيس بوك في عيد الأم في 2017 خطفت بيها  قلوب أمهات وأطفال كتير، وحققت 3 أضعاف المبيعات في عيد الأم  في نفس السنة.

وميزة النوع ده من الدعاية أنه أرخص كتير من الدعاية الـ Offline  علي التلفزيون و الراديو.

 

  • في أكتر من طريقة هتساعدك تزود من مصداقية الشركة، ومن أهمها الـ Email Marketing، وهنا هتحدد ايميلات العملاء المهتمين بالمنتج بتاعك، وتبعتلهم Email كل فترة عشان تبني علاقة قوية مع عملائك وتعلن عن أي منتج جديد ليك.