ازاي تبقى غني في 6 خطوات بس بنصايح مليونير أمريكي!

ازاي أبقى مليونير وأكون ثروة في فترة زمنية معينة وبخطوات ثابتة؟ وهل اللي بيوصل ليه الأغنيا ده ممكن أوصله أنا كمان ولا الموضوع مستحيل؟ طيب ايه هي الخطوات اللي اعملها؟ ده اللي هنقولك عليه.

في مليونير أمريكي معروف اسمه جرانب كاردون، ده رائد أعمال كبير وخبير مبيعات عنده شوية نصايح يمكن لما تتبعها توصل لعالم المليونيرات.

1-   بلاش تبخل على نفسك

كاردون بيقول إن الكلام عن توفير تمن القهوة وتحويش فلوسها هيخليك غني كلام مش صح ومش عملي إطلاقًا، وبالتالي ما تبخلش على نفسك في التفاصيل الصغيرة دي مش ده دي السر ولا حاجة.

السر الحقيقي في تكوين ثروة هو التركيز على فكرة التحويش من الدخل قدر الإمكان بس مش في الحاجات الصغيرة أوي يعني.

2-   طور من نفسك

الاستثمار في نفسك ده اهم شئ قبل ما تفكر أصلًا تكون ثري لأنها خطوة مهمة هتوصلك لتحقيق أرباح كويسة، وهنا نقصد إنك تستغل الوقت مع الفلوس وطاقتك في إنك تطور من نفسك وتتعلم حاجات جديدة وكمان تطور من مهاراتك الشخصية.

3-   دور على وظيفة مناسبة

رجل الأعمال الأمريكي بينصح الشباب انهم يدوروا على وظيفة مناسبة ليهم حتى لو بدأوا صغيرين لكن طالما في فرصة إنهم يكبروا في الوظيفة فده شئ كويس، وما يبصوش للمرتب في البداية.

لو بتشتغل ساعات مكتبية في مكان معين حاول تزود دخلك بشغل من العمل الحر على الإنترنت مثلًا

4-   خليك متميز

حتى لو الحاجة اللي بتعملها بيقوم بيها ناس كتير خليك أنت مميز وطور من نفسك فيها، وحاول تستمتع باللي بتقوم بيه ولو تقليدي طور منه أو دور على وظيفة تانية تناسب مهاراتك علشان تقدر تبدع.

5-   أكتر من مصدر دخل

لو بتشتغل ساعات مكتبية في مكان معين حاول تزود دخلك بشغل من العمل الحر على الإنترنت مثلًا، وده هيساعدك في تحقيق دخل أكبر وتطور مادي كويس وتقدر تحوش.

6-   الاستثمار في الوقت المناسب

نيجي بقى للسؤال المهم أبدأ استثمر امتى بالظبط؟ بص مش أول أما تمسك فلوس في ايدك تقرر إنك تدخل بقلب جامد في أي مشروع.

لو عايز تعرف أكتر عن طرق الاستثمار المضمونة ممكن تقرأ هنا، اعرف أكتر 6 طرق بسيطة لاستثمار فلوسك وتحقيق عائد منها