ازاي تظبط ميزانيتك ومصاريفك لو استقلت قريب أو بتدور على شغل!

قدمت استقالتك ولسه بتدور على شغل؟ عاوز تستغل وقتك وفي نفس الوقت مش عاوز قعدتك في البيت الفترة دي تبوظ ميزانيتك ومصاريفك؟.. هنقولك ازاي تعدي الفترة دي بأفضل شكل ممكن من غير أي ديون ومشاكل ممكن تأثر على حياتك.

1-   إدارة أموالك بذكاء

اكتب ايه الأساسيات اللي بتصرف فيها زي الفواتير، وبعدين شوف الكماليات والأمور الترفيهية لو تقدر تقلل منها وتتعامل معاها بذكاء هيكون افضل ليك علشان متزنقش نفسك وتضطر تستلف أو تدخل في مديونيات.

2-   تقليل النفقات

في حاجات ممكن تعملها تقلل من معدل صرفك زي مثلًا الأكل من الشارع والمشروبات الغازية وإنك تقضي معظم وقتك على الكافيه، وكمان لو بتروح مشوار بتاكسي مثلًا تقدر تستبدل دا بالمواصلات العامة.. كل الكلام دا هيفرق معاك جدًا.

 قارن ما بين المواصلات المختلفة من هنا، قارن وقرر، هتركب إيه أوبر باص ولا سويفل ولا الميكروباص؟

3-   قدم على قرض

ممكن تقدم على قرض شخصي ودا نوع من القروض اللي بيقدمها البنوك للأفراد، و الحصول على قرض مش بيحتاج أي ضمانات. وبتتراوح مدة القروض الشخصية من سنة لـ 10 سنين.

استخدم حاسبة القروض عندنا في فايدتي بتقدر تقارن نسبة الفائدة على القرض، والمصاريف الإدارية في البنوك المختلفة، عشان تلاقي أفضل قرض لـ التزاماتك المالية.

أفضل القروض الشخصية في البنوك المصرية

لو عندك عجلة تقدر تشتعل بيها من خلال كذا أبلكيشن زي مرسول

4-   البحث عن عمل حر

تقدر تزود دخلك من البيت في وقت فراغك سواء لسه سايب الشغل أو بتدور على شغل أو حتى بتشتغل، اعرف 5 مواقع هتساعدك إنك تزود دخلك من البيت! تقدر تعمل عليها أكونت بكل سهولة وتستقبل طلبات العملاء وتكسب من خلال العمل الحر على الإنترنت، والمواقع دي بتقوم بدور الوسيط بين الـ Freelancer و الـ Client .

5-   اشتغل بالعجلة

لو عندك عجلة تقدر تشتعل بيها من خلال كذا أبلكيشن زي:

MRSOOL

Uber Eats

Talabat

بيحتاجوا ناس عشان يوصلوا الطلبات للعملاء، والعجلة بتعتبر وسيلة سهلة وسريعة هتساعدك توصل للعميل بسرعة.

وفي ابليكيشن زي MRSOOL لو كملت عدد رحلات معينة في اليوم  بتاخد Bonus غير الفلوس اللى بتاخدها من كل رحلة، وتقدر تعمل من 100 لـ 120 جنيه في اليوم لو اشتغلت 10 ساعات.

وفى طرق تاني للاستفادة بالعجلة ولو بتحب الرياضة ممكن تقرأ عنها هنا، اعرف أكتر ازاى توفر وتستفيد بالعجلة بتاعتك!