ازاي تكسب من الفلوس النادرة، ومين بيقبل الفلوس المقطعة؟

أوقات كتير بتقابل مشكلة إن الفلوس الورقية أو المعدنية بتبوظ لكن السؤال ازاي تتعامل مع الفلوس القديمة والمقطعة والمغسولة عمومًا؟! يعني ليها لازمة ولا ارميها وخلاص! لا طبعًا ليها قيمة وهنقولك تقدر تستبدلها منين كمان وتكسب منها.

فرع البنك المركزي

147 شارع محمد فريد، جنب محطة مترو محمد نجيب، روح علطول لو معاك فلوس ورق قديمة أو مقطعة أو مغسولة لكن لو معاك عملة معدنية فيها مشكلة تقدر تغيرها بس من فرع البنك المركزي اللي موجود في 54 شارع الجمهورية وعلى فكرة هتغيرها بنفس القيمة.

 اعرف أكتر عن البنك المركزي المصري من هنا، نبذة عن البنك المركزي المصري

امتى بتستبدل العملة بقيمة أقل؟

لو العملة مقسومة نصين والنص التاني مش موجود لكن أرقامها بتكون موجودة فالبنك المركزي بيديك نص قيمتها في الوقت ده.

يعني ايه الأرقام الموجودة على العملة؟

كل فئة فلوس بيكون مكتوب عليها رقم مسلسل منسوخ 4 مرات في أماكن مختلفة على العملة، وفي حالة وجود أي رقم هتستبدل العملة بنفس قيمتها لكن لو الرقم مش موجود نهائي مش هيتم استبدالها.

طب البنك المركزي بيعمل بالعملات دي ايه؟

البنك المركزي المصري بيصدر مذكرة بدل تالف بنفس قيمة العملات اللي جمعها علشان يطبع عملات جديدة بنفس قيمة العملات المعدمة.

الجنيه ابو جملين: سعره ما بين 200 ألف ومليون جنيه

فلوس أجدادك هتخليك غني!

أنت عارف إن كمان في عملات قديمة نادرة مطلوبة في 2021 :

• ريال السلطان فؤاد: سعره بيبدأ من 100 ألف لغاية مليون جنيه.
• 5 مليم إصدار 1973: سعرها من 15 إلى 20 ألف جنيه.
• الجنيه ابو جملين: سعره ما بين 200 ألف ومليون جنيه.
• البريزة والشلن: من 5 آلاف إلى 30 ألف جنيه لكن لازم يكون مكتوب عليه كلمة الدولة المصرية أوراق عملة رسمية.
• 50 قرشا معدنية القديمة اللي لونها دهبي: سعرها بيبدأ من 5 آلاف جنيه مصري.

فين أماكن بيع العملات القديمة جوا مصر؟

• الأسواق الكبيرة فيها عدد كبير زي الإسكندرية هي الأشهر.
• مزادات على الإنترنت، وكل ما العملة تبقى نادرة أكتر كل ما قيمتها تعلى.
• صفحات السوشيال ميديا المتخصصة في العملات القديمة.
• في مزادات برضو بتكون في القاهرة في وسط البلد بيتعلن عنها على النت زي محلات في خان الخليلي.