افضل أماكن الفسح والأكل والشوبينج فى تركيا فى بداية 2022!

خلاص وصلنا تركيا، يالا نتفسح ونجرب الأكل التركي، وطبعا مينفعش ننسي الشوبينج فأشهر بلد لشوبينج الملابس حاليا، خاصاً انه من ارخص البلاد في المنتجات دي.

أماكن محتاج تزورها في تركيا:

• مسجد السلمانية وتفطر هناك وتستمتع بالفيو.
• مسجد آيا صوفيا وده دخوله مجانًا.
• "بورصة" ودي مدينة على بعد حوالي 3 ساعات من اسطنبول، وهناك ممكن تطلع على جبل اسمه "أولوداج" اللي بيكون فيه التلج وممكن تاكل وجبة سريعة هتلاقي كل أنواع المربى اللي تعرفها واللي ماتعرفهاش وكمان تقدر تستمع بتجربة التليفريك المفتوح أو المقفول وهتلاقي تزحلق على الجليد.
• قصر دولمة بهجة "قصر السلاطين" موجود في بشكتاش باسطنبول، واتعمل في القرن الـ 19 بطريقة معمارية ممتازة بين الطريقة الأوروبية والزخارف العثمانية، وبعدين اتحول حاليًا لمتحف وفيه أوض كتير جدًا والدخول بتاعه بـ 150 ليرة لو ناوي تدخل كل الأوض، ومن المميزات إنهم بيدولك سماعة باللغة اللي تحبها علشان تشرحلك كل كبيرة وصغيرة.
•  مدينة السبانجا وجزيرة الأميرات.

 لو لسه مخلصتش ورق السفر ممكن تعرف شوية تفاصيل هتفيدك من هنا، هتسافر تركيا بكام؟ مصاريف الفيزا والطيران والإقامة للمصريين!
 

تزور ايه كمان في اسطنبول؟

1. برج غلطة

2. جسر السلطان محمد الفاتح

3. حي اورتاكوي

4. شارع تقسيم - شارع الاستقلال

5. قصر وصهريج ومتحف البازيليك

6. قلعة روملي حصار

7. مضيق البسفور

8. منطقة السلطان أحمد

9. ميناء امينونو

ممكن تاكل في KFC وMcDonald's  الأسعار رخيصة والجودة عالية

تأكل إيه فى تركيا؟

بالنسبة للأكل عمومًا بيختلف من مكان للتاني يعني لو قرب ميدان تقسيم فسعر ساندويتش الشاورما بيكون حوالي 15 لـ 18 ليرة لكن لو في شوارع جانبية ممكن تدفع 10 ليرة بس.

وفي مطاعم مشهورة هناك زي مطعم المدينة بتاع بوراك وكمان مطعم نصرت اللي بياكل فيها المشاهير ولاعيبة الكورة، والأسعار فيه خيالية يعني مثلًا سعر الـ 100 جرام ستيك بيوصل لـ 400 ليرة وعلشان تاكل أكلة محترمة هتدخل في 1500 ليرة.

وأسعار المياة المعدنية كويسة الكبيرة بـ 4 ليرة والصغيرة بـ 2 ليرة وكمان الليز Lay's اللي هنا بـ 35 جنيه هتلاقيه هناك في تركيا بـ 8 ليرا بس يعني أقل من 10 جنيه. 

ممكن تاكل في KFC وMcDonald's  الأسعار رخيصة والجودة عالية.

أسعار اللبس في تركيا ايه اخبارها؟

·   تقدر تعمل شوبينج كويس من براندات كتير أسعارها في المعقول زي POLO - LC Waikiki – DeFacto.

·   لكن في براندات تانية الأسعار فيها عالية زي ZARA – JAKAMEN.

  قارن ما بين بطاقات الائتمان على فايدتي قبل ماتقدم، لأنها من اكتر الطرق اللي هتساعدك تعمل شوبينج بسهولة من غير ماتشيل كاش كتير.

ميزة مش هتلاقيها غير في تركيا!

مش بس الأكل والشرب اللي اسعارهم كويسة ده كمان النت سرعته خرافية، والجيجا قيمتها كبيرة جدًا ومش هتدفع كتير يعني الـ 20 جيجا ممكن يكونوا في حدود 50 ليرة.

التكلفة الإجمالية للسفرية:

لو واحد هيسافر 7 أيام كفسحة ومش هيعمل شوبينج كتير ممكن يصرف في حدود 10 آلاف جنيه بالإقامة والطيران لكن لو هيعمل شوبينج كتير وهيشتري هدايا ممكن يدخل في حسبة الـ 15 ألف جنيه.
 

 لو عايز شوية طرق ممكن تكسب بيها من سفريتك ممكن تقرأ هنا، ازاي تكسب فلوس من السفر؟