ايه المعاملات البنكية اللي هتبوظ الـ I-Score بتاعك؟

تفتكر ليه البنك افضل مكان تستلف منه فلوس؟ عشان من أهم مميزاته انه بيفصلك عملية الاقتراض على حسب احتياجاتك، يعني مثلا لو عايز الفلوس لأغراض شخصية، تقدر تاخد قرض شخصي، ولو عايز تشتري بيت، ممكن تقدم على قرض منازل/تمويل عقاري، وهكذا، أهم حاجة تدفع الاقساط اللى عليك في ميعادها عشان ميأثرش على الـ I-Score بتاعك.

ايه هو الـ I-Score؟
 

هو تاريخك المالي، وبيمثل طريقة سدادك للديون اللى عليك، لو كانت أقساط قروض أو بطاقة ائتمان، يعني كل ما تدفع في الميعاد المحدد ليك، هتبني سجل ائتماني قوي. والـ I-Score بيكون رقم عند البنك بيبدأ من 400 لـ 850، والرقم ده لما بيزيد، بيدي انطباع كويس عند البنك انك بتسدد ديونك في الوقت المحدد.

لو عايز تعرف أكتر عن تاريخك الائتماني ادخل هنا، يعني إيه I-Score, وتأثيره على علاقاتك بالمنتجات البنكية!

 

ايه المعاملات البنكية اللى بتأثر على تاريخك الائتماني بشكل سلبي:

1- ارتفاع نسبة استخدام الدين /Credit Utilization Ratio!

في مصطلح مهم لازم تعرفه لو عندك بطاقة ائتمان أو دين قديم، وهو "نسبة استخدام الدين"، وهي علاقة بين الحد الائتماني لبطاقة الائتمان والدين اللى عليك، ويفضل أن النسبة دي متزدش عن 30%، بمعنى أن كل ما بتكون النسبة  قليلة يبقى احسن عشان ميبقاش عليك دين كبير ويأثر على الـ I-Score بتاعك.

2-  سحب فلوس من الـ ATM بـ بطاقة الائتمان!

لما تسحب فلوس بالكريدت كارد/ Credit Card من الـ ATM، ده هيخلي عندك عبء أكبر لما تيجي تسدد ديونك، لأن سحب فلوس/ Cash Withdrawals هتوقعك في مشاكل زي:

• أن مفيش فترة سماح تدفع فيها
• والفايدة بتنزل عليك من تاني يوم بعد ما تسحب الفلوس
• ومفيش نقط مكافاّت / Bonus Points، ودي اللى بتاخدها في حالة المشتريات بس، زي :
• كاش باك / Cash Back
• قسائم شراء / Vouchers
• أميال سفر / Travel Miles
   

لو عايز تعرف أكتر عن بطاقة الائتمان ادخل هنا، 10 أسرار للكريدت كارد البنك مش هيقولك عليها

لو قدمت على قرض بـ مبلغ كبير افضل ليك ما تقدم على كذا قرض بمبالغ صغيرة في فترة قصيرة

3-  قروض كتير في وقت قصير!
 

لو قدمت على قرض بـ مبلغ كبير افضل ليك ما تقدم على كذا قرض بمبالغ صغيرة في فترة قصيرة، لأنك لو عملت العكس ممكن فايدة القروض تزيد وتضطر تدفع قسط أكبر، وكمان هيزود نسبة الخطر عند البنوك  بسبب انك ممكن تتأخر في سداد الأقساط.

4- متعتمدش على نوع واحد من الديون!

حاول تخلي  ديونك مختلفة بين بطاقة الائتمان، والقرض الشخصي، وقرض العربية..إلخ، ده هيساعدك تسدد ديونك في ميعادها، لأن فوايد الأقساط مش هتكون زي بعضها، وهتقدر توازن بينهم.

5- بتدفع الحد الأدنى بس!
 

لو عليك أقساط لـ بطاقة الائتمان، يفضل تدفعها كلها في خلال فترة السماح، لانك لما تدفع الحد الأدنى بس البنك هينزل على الجزء المتبقي من القسط اللى عليك  فايدة وغرامة تأخير لما هتدفعه الشهر اللى بعده.

قدم دلوقتي على بطاقة الائتمان مع فايدتي في دقايق من مكانك