7 خطوات مالية محتاج تكملها قبل ما توصل لسن الـ 40

سن الـ 40 مش رقم كبير، لكن قبل ما توصله هيكون عندك أهداف محتاج تكون أنجزتها عشان تحس بالاستقرار في حياتك، ده مش معناه انك توقف قبولك لأي مغامرة بعد سن الأربعين بالعكس، استقرارك المادي هيطمنك أكتر تجاه أي مخاطرة أو مغامرة بتفكر فيها سواء مالية أو ليها علاقة بمستقبلك المهني أو حتى مجرد سفرية معينة كان نفسك فيها.

 ومن أهم ليستة الحاجات اللي عايز تعملها قبل ما تتم الأربعين:
 

1- فكر في المنتجات التأمينية

قبل الأربعين محتاج تفكر بمنظور أبعد وتتخلص من أي قلق بيواجهك عشان تقدر تتفرغ لحياتك وانجازاتك، عشان كده أي حاجة بتسببلك قلق أو خوف عليها في المستقبل ممكن تأمن عليها عشان ترتاح، خصوصا أن التأمين ليه أنواع كتير، تأمين على شخصك وتأمين على ممتلكاتك.
 

اعرف أكتر عن التأمينن من هنا، إيه هو نظام التأمين في مصر؟ وايه هي أنواعه؟.

2- جرب كل حاجة

جرب الاستعانة بالمتنجات البنكية عشان تساعدك فى خطواتك المالية، يعني افتح حساب في البنك حوش فيه، وممكن تستغل القروض عشان يساعدوك تشتري اللي نفسك فيه فى وقت قصير، أو تقدم على كريدت كارد/ Credit Card وتستفيد بمكافأتها ومميزاتها كلها.

وممكن تحوش فلوسك فى شهادات استثمار وودايع بمدد مختلفة.

قدم دلوقتي على المنتج البنكي المناسب ليك مع فايدتي أونلاين وانت فى مكانك.
 

دلوقتي مع المبادرات اللي بتعملها الدولة تقدر بسهولة تمتلك ولو بيت صغير ليك

3-  أمتلك اللي نفسك فيه

دلوقتي مع المبادرات اللي بتعملها الدولة تقدر بسهولة تمتلك ولو بيت صغير ليك، مهما كانت مساحته فـ هيفضل انجاز مهم في حياتك، أو ممكن تمتلك عربية أو أي وسيلة توفر عليك فلوس في حياتك اليومية.
 

اعرف أكتر عن مبادرة التمويل العقاري الأخيرة من هنا، مبادرة البنك المركزى للتمويل العقارى مارس 2021

4-استثمار جزء من مرتبك

مهم جداً ان مرتبك مايبقاش بيخلص بالكامل كل شهر، لازم تشيل جزء للاستثمار في حاجة مهتم بيها أو مشروع يجيبلك عائد كويس في المستقبل، أو حتى تحوش المبلغ عشان يفيدك وقت الضرورة.

 وتقدر تعرف من هنا شوية نصائح للاستثمار على المدى البعيد  

5-زود دخلك

حاول يكون عندك أكتر من مصدر دخل سواء عن طريق مشروع أو استثمار أو حتى شغل حر غير ثابت، عشان وظيفتك متبقاش مصدر ضغط عليك أو كل طلباتك واقفة على الترقية أو العلاوة الجديدة.

6- تابع أخبار الاقتصاد

كل تغيير صغير فى اخبار المال والاقتصاد بيأثر على أسعار كل حاجة حوالينا، عشان كده لازم تكون متابع عشان تبقى عارف ازاي تدخل في الاستثمار الصح وامتى التوقيت المناسب بالنسبة للسوق وأسعار كل حاجة هتحتاجها، عشان كده لازم على الأقل مرة في الاسبوع تتابع قرارات البنك المركزي وأخبار البورصة وكمان أسعار العملات.
 

اعرف اخر اسعار العملات الاجنبية فى البنوك المصرية على موقع فايدتي.
 

7- حوّش لمغامرة أحلامك

كلنا عندنا مكان بنحلم نسافر ليه أو تجربة نفسنا نعملها زي الـ Sky Diving مثلاً، بس الفلوس أوقات كتير بتكون هي الحاجز بيننا وبين الحاجات دي، عشان كده لازم تحوش للمغامرة دي من دلوقتي عشان تقدر تحققها قبل الـ40.