أمن ضد الحوادث!
أمن ضد الحوادث!
أمن ضد الحوادث!

أمن نفسك ضد الحوادث بأقل من 100 جنيه في السنة!

faydety-logo-text

تاريخ أشهر شركتين لبطاقات الدفع "فيزا" و"ماستر كارد"

تاريخ النشر: 12 ديسمبر 2021

طرائف وعجائب

تاريخ أشهر شركتين لبطاقات الدفع "فيزا" و"ماستر كارد"

منين جت فكرة الدخول في بطاقات الخصم المباشر؟

الكروت مسبقة الدفع، كروت الخصم المباشر، الكريدت كارد/ Credit Card، بطاقة الائتمان، فيزا المشتريات، كل دول مسميات بنختصرها بكلمات تانية أصغر بكتير زي "فيزا" أو "ماستر"، وده بسبب اسم الشركتين الأساسيين أو الاكتر توسعاً على مستوى العالم في كروت الدفع بشكل عام.
 

شركة فيزا/ Visa
 

بدأت في سنة 1958، مع إطلاق Bank of America للـ كريدت كارد/Credit Card للطبقة المتوسطة والتجار اللي أعمالهم بتتراوح بين الصغيرة والمتوسطة في الولايات المتحدة وكان اسمها BankAmericard، وفي وقت قصير توسعت الشركة دولياً وقدمت أول بطاقة سحب آلي سنة 1975 وقررت السنة اللي بعدها ان البطاقة يكون ليها اسم موحد دولياً وسهل النطق على كل اللغات وهو VISA المعروف دلوقتي.
 

كانت بطاقات "ماستر كارد" معروفة أصلاً باسم "Interbank" سنة 1966 وكان عبارة عن مجموعة من المصارف في ولاية كاليفورنيا 

 

شركة ماستر كارد/ Mastercard

 

ده كان تحالف من أكتر من جمعية للبطاقات المصرفية الإقليمية كـ رد على BankAmericard اللي أصدره Bank of America (اللي هو دلوقتي Visa).

وكانت بطاقات "ماستر كارد" معروفة أصلاً باسم "Interbank" سنة 1966 وكان عبارة عن مجموعة من المصارف في ولاية كاليفورنيا لتداول البطاقات بين المصارف (ICA)، وبعد كده سنة 1968 بدأت الرابطة الأوروبية للبطاقات (اليوروكارد) تتحالف بشكل استراتيجي يسمح بالوصول إلى السوق الأوروبية المشتركة واتغير اسمها لـ "Master Charge" من 1969 لغاية سنة 1979 تم تسمية الشركة بـ "ماستر كارد ".
 

ادخل هنا لو عايز تعرف أكتر عن، تاريخ الكريدت كارد/Credit Card 
 

ازاي بدأت فكرة الدخول في بطاقات الخصم المباشر؟

 

في بداية تعامل الأشخاص مع البنوك كان العملاء عشان يعملوا عملية بسيطة زي السحب من حسابهم الشخصي لازم يروحوا البنك، فـ تخيل كم الزحمة والشغل اللي بيتم في البنك عشان عملية بسيطة زي كده!

حتى بعد ما البنك قرر يخلي مكتب مخصوص لعمليات السحب والايداع فقط، عشان يخفف من العبء على باقي الموظفين مكانش ده احسن حل، لغاية ظهور أول آلة مصرفية آلية كانت بتجمع فقط الشيكات والودائع اللي ابتكرها المخترع ورجل الأعمال الأمريكي "لوثر سيمجيان" سنة 1960 في "سيتي بنك"، بس الناس مكانتش متعوده عليه فـ اختفى تاني، بعدها أنشأ المخترع الاسكتلندي "جون شيبرد بارون" ماكينة صراف آلي واستغل في تسويقها فكرة انك تقدر تنفذ العمليات البنكية في أي وقت حتى لو إجازة أو بعد ما البنك يقفل، وكانت الماكينات دي بتستخدم قسائم ورقية مطبوعة بالحبر المشع عشان تقدر الآلة تقرأه، وأخيرًا في سنة 1969 أنشأ "دونالد ويتزل" أول ماكينة صراف آلي في الولايات المتحدة تستخدم بطاقات بلاستيكية زي اللي بنستخدمها دلوقتي.

 

اعرف أكتر عن الـ ATM من هنا،  إيه هو تاريخ ماكينة الصرف الآلي المعروفة بالـ ATM

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين