حل مشكلة الإعجاب التلقائي بصفحات فيسبوك

كام مرة بتدخل على فيسبوك عندك وتلاقي إنك عامل لايك وفولو لصفحات وناس ماتعرفهمش وكمان متأكد إنك معملتش كدا، أنت عارف إن دي من المشاكل اللي بتقابل ناس كتير اليومين دول مش أنت بس؟، طيب ايه أسباب الموضوع دا خاصة إنه زاد الفترة الأخيرة وهل بيأثر على خصوصيتك؟

تجميع البيانات

الموضوع دا حصل قبل كدا من فترة، وقتها كان المشهور أوي إن في تطبيقات زي "أنت شبه من الممثلين" بمجرد ما بتدخل عليه بيجمع بياناتك وياخد حاجة اسمها "اكسيز توكين access token "  ومن خلال القصة دي بيعملوا فولو ولايك وريأكت وكومنت عادي  لبيدجات بعينها بدون الرجوع ليك.

احمي خصوصيتك

المهم قبل ما تعمل الخطوات دي تكون عارف كويس الباسورد بتاعك على فيسبوك:

• افتح دلوقتي أبلكيشن فيسبوك من موبايلك واختارMenu  من تحت على الشمال "لو عامله إنجليزي".
• انزل تحت واختارSettings ، وبعدين اختار Password and Security .
• اختار منها  If you think your account was hacked .
• وتختار I found a post, message or event that I didn’t create ودوس Continue  وبعدين Get Started.
• فيسبوك دلوقتي بعد ما تعمل كدا هيبدأ بالفعل يراجع شوية بيانات.
• امشي مع الخطوات اللي هيقولك عليها فيسبوك زي تغيير الباسورد، ومراجعة إيميلك وبعدين الخطوة التالتة إنك تشوف الصفحات اللي عاملها فولو أو لايك والناس اللي عاملها أدد أو فولو .
• لو لقيت كل الصفحات في القايمة مش عاملها لايك، دوس Select All واعمل Unfollow .

6 أبلكيشن مُسلية في زحمة الطريق: طرقع الـ Bubble Wrap

نصيحتنا ليك: حاول تعمل الموضوع دا كل مدة لأن للأسف دي ثغرة بيستخدمها ناس كتير علشان يجيبوا معجبين.

المشكلة اللي موجودة دلوقتي: ثغرة في فيسبوك

لكن السبب اللي موجود دلوقتي بيعتمد على ثغرة في فيسبوك بتخلي اللي بيعملوا بيدجات يقدروا ينسخوا الفانز "المعجبين" لصفحات كتير، والصفحة بتتنسخ بكل اللي عليها بوستات ومتابعين.

كل اللي حاصل إن اللي بيقوم بالمهمة دي بيفرغ الصفحات من المحتوى عن طريق أدوات مشهورة وبيغير اسمها حتى لو معدية 100 ألف معجب، وبييعيد بيعها بسعر رخيص جدًا علشان واحد تاني يشتريها و يروج من خلالها لنفسه أو يكسب من وراها بإعلانات أو غيره.

الموضوع دا مش خطر على خصوصياتك زي المشكلة القديمة بتاعة التطبيقات الخاصة بالألعاب.

10 ابلكيشن محتاج تنزلهم على موبايلك غير السوشيال ميديا

بننصحك تتفرج على الفيديو دا بالخطوات علشان تفهم أكتر ليه بتلاقي إعجابات لصفحات فيسبوك معمولة بدون إذنك؟!

شوف الفيديو من هنا