هاشتاج أغلفة موازية هيغير مبيعات الكتب ازاي؟

تعرف ايه عن تريند هاشتاج "أغلفة موازية"؟.. الساعات اللي فاتت انتشر هاشتاج #أغلفة_موازية على السوشيال ميديا خاصة فيسبوك وتويتر، لكن ناس كتير مش عارف ايه معناه والمقصود باغلفة موازية ايه بالظبط.. هنقولك على كل التفاصيل وازاي الهاشتاج دا ممكن يغير مبيعات الكتب.

الفكرة الأساسية للهاشتاج دا ببساطة قايمة على تبديل أغلفة الروايات والأعمال الأدبية العربية والعالمية، بمشاهد كوميدية من الأعمال الفنية أو صور من الواقع، بس لازم التغيير دا يكون بيتماشى معاها زي عنوان الرواية وكل دا على سبيل الضحك.

#أغلفة_موازية غرقت السوشيال الميديا

في ساعات قليلة بس نجح هاشتاج اغلفة موازية إنه ينتشر بصورة كبيرة جدًا وناس كتير عملت عليه كوميكسات، وبداية التريند دا كان من الكاتب والمترجم محمد الفولي اللي بدأ بتغيير صور أغلفة الروايات اللي ترجمها ونشرها مع أصدقائه بس لكن الموضوع انتشر بصورة كبيرة جدًا.

فكرة الفولي كانت قايمة على البهجة والضحك زي ما قلنا في البداية لكنها في نفس الوقت بقت دعاية كويسة لكتير من الأعمال الأدبية اللي خلت ناس كتير تسأل عنها علشان تقراها.

غلاف أي كتاب له دور كبير في نجاح الرواية والترويج ليها

ليه #أغلفة_موازية بدأ بالروايات الأجنبية؟

صاحب هاشتاج اغلفة موازية اختار إنه يبدأ الكوميكسات اللي بيعملها بالروايات الأجنبية لأنه خاف يقرب من الروايات العربية علشان ماحدش يتضايق. 

الفولي قال كمان إنه طول الوقت بيحاول يصمم ميمز عن الصعوبات اللي بتقابله في الترجمة كنوع من أنواع الترويح عن النفس، وبيستخدم لقطات من مسلسلات أو أفلام، واللي ساعده إن المشاهد الكوميدية في المسلسلات والأفلام العربية مفيش أكتر منها.

بمناسبة كلامنا عن الكتب اعرف أكتر من هنا: 5 كتب لمساعدتك في إدارة ميزانيتك

مبيعات الكتب بتزيد مع الضحك!

أحلى ما في تريند هاشتاج أغلفة موازية إنه مش بس حقق الضحك والكوميكسات والفكاهة على السوشيال ميديا لكنه حقق في النهاية زيادة عدد القراء والاهتمام بمعرفة الروايات أكتر ودا هيحقق مبيعات أفضل للكتب وترويج كبير.

مبيعات الكتب بسبب الأغلفة المميزة

غلاف أي كتاب له دور كبير في نجاح الرواية والترويج ليها وتحقيق مبيعات كبيرة لأنها بتهدف إنها تبهر العين وتخطف اللي بيشوفها علشان يشتري الكتاب، ودي مجموعة من أفضل أغلفة الكتب الأجنبية اللي ساهمت ف تحقيق نسبة مبيعات كبيرة ليها.

• كتاب  Anything You Want للكاتب ريك سيفرزع.
• كتاب Beauty is a Wound تأليف ايكا كورنيوان.
• كتاب Building Art: The Life and Work، تأليف الكاتب جيرى بول غولدبرغر.
• كتاب PawPaw من تأليف أندرو مور.
• رواية Scorper لروب ماغنوسون.

جربت تقرأكتب عن الاستثمار قبل كدا؟ اعرف أكتر من هنا: 5 كتب عن الاستثمار هيساعدوك تاخد أول خطوة في مشوارك