4 أسباب تخليك تفركش قبل الفلانتين: خد بنصيحة شاهين!

عاوز تخلع قبل الفلانتين "عيد الحب"؟ ليه تعمل كدا أصلًا هنقولك على 4 أسباب تفكر فيها كويس قبل ما تجيبلها هدية الفلانتين وتقولها كل سنة وأنتي معايا، والليل وسماه ونجومه وقمره قمره وسهره وأنت وأنا.
 

أما بقى لو مش ناوي تفركش وعاوز تعملها مفاجأة حلوة في عيد الحب اعرف من هنا ازاي: 7 هدايا رومانسية في الفلانتين: خلي عيد الحب مختلف

1-   هتيجي تقابل بابا امتى؟!

جبت هدية فلانتين مُكلفة أو لا عاجبتها أو لا فالديت الجاي هيكون مش معاها لا أنت فاهم غلط هتقولك هتيجي تقابل بابا امتى، ودي أشهر جملة ممكن تسمعها فحاول تنفد بجلدك بدري بدري وفركش قبل عيد الحب الفلانتين.
 

أنت لو رجعت سينجل تاني صحابك المرتبطين هيحسدوك اعرف أكتر من هنا: 15 حاجة هتوفرها وأنت سينجل وماتنساش الارتباط إحباط!

2-   نكد أسبوع قدام

طب أنت عارف لو مجبتش الهدية الجامدة التمام في الفلانتين ايه اللي ممكن يحصل؟ دي فيها نكد أسبوع قدام ومالك مفيش وأنت فاهم بقى علشان كان متوقع منك تجيب حتة من السما وبرضو ماكنش هيعجب.

3-   حاسس إننا مش مناسبين لبعض

من غير تجريح خالص ممكن تقولها إنك مش مبسوط والعيب مش فيها ولا حاجة بس أنت حاسس انكوا مش مناسبين لبعض، وكلام من نوعية ربنا يكرمك بابن الحلال وأنتي تستاهلي كل خير.

4-   اعمل زي شاهين في أغنية سيري

اخلع بصنعة لطافة لو الدنيا عندك زحمة ومشغول وعندك أولويات تانية، واعمل الصح زي ما شاهين قال في أغنية سيري، وما تقلقش كلها هيبقى It's okay:

آسف أنا عندي ارتباطات.. عندي استعباط.. عندي معاد مع ارتخاء الأعصاب

عندي تاتو قالولي هتروح النار.. عندي مشوار.. رايح أجيب لأمي غسالة أطباق

عندي غسيل.. عندي بعدها بالليل في تسجيل..عندي كارير

عندي أغاني تتكتب عشان أعرف أدفع فواتير

عندي من البؤس كتير في الحصالة..و الضحك بييجي هنا بالقطارة

تيجي تسوق مكاني تمسك التارة.. مفيش أسفلت الظلط يعطلك

وأنا دايما دايما بالليل.. دماغي تقسم فريقين.. يعاركوا بعض كاراتيه

لو لسه برضو مش ناوي تفركش وعاوز تكمل وتجيبلها هدية الفلانتين اعرف أكتر من هنا: 10 افكار موفرة لهدايا الفلانتين