أمن عربيتك!
أمن عربيتك!
أمن عربيتك!

عايز وسيط تأمين ببلاش؟ ادخل هنا واختار التأمين المناسب ليك بأكتر من طريقة تقسيط وسيب الباقي علينا.

faydety-logo-text

احسب مصنعية الذهب 2022 من غير ما يتضحك عليك

تاريخ النشر: 09 مايو 2022

عالم المال

احسب مصنعية الذهب 2022 من غير ما يتضحك عليك

تعرف ايه عن الذهب اللازوردي؟

لما بنيجي نشتري دهب أكتر حاجة تشغلنا نعرف سعر جرام الذهب اليوم والمصنعية كام علشان مايتضحكش علينا قبل ما ندفع المبلغ الكلي سواء واحنا بنشتري أو كمان واحنا بنبيع.

لو هتشتري قطعة ذهبية أو شبكة عروستك مثلًا لازم تخلي بالك من شوية حاجات زي ما بتهتم برضو بسعر الذهب نفسه، فايدتي هتقولك على شوية نصايح هتفيدك وأنت بتتشري وبتبيع دهب.

 

اعرف أكتر عن الاستثمار في الدهب من هنا: يعني إيه استثمار في الدهب؟

 

اختلاف سعر الذهب

 

سعر الذهب بيختلف يوم عن التاني حتى لو فرق بسيط بس لازم تعرف سعر جرام الذهب اليوم الأول، وتقدر تتابع سعر الذهب اليوم من هنا والموقع دا هيقولك أسعار الذهب اليوم في مصر.

وزي ما قولنالك في البداية إن سعر الذهب اليوم بيختلف يوميًا مع اختلاف أسعار الدولار، ولو أنت ما تعرفش خلينا نقولك إن الأكتر في التداول عيار 21 يُعتبر الأشهر مبيعًا في مصر وبعده بييجي عيار 18 ثم عيار 24.

 

ايه هي مصنعية الذهب؟

 

"المصنعية" هي من أكتر العوامل اللي بتأثر في سعر جرام الذهب اليوم، وبيتم إضافتها بخلاف السعر المعلن وبتختلف من صائغ لآخر، وبيتم تحديد مصنعية الذهب بحسب اختلاف التصميم والشغل المبذول فيه كل قطعة ومايحتاجه العميل.

 

تنافس بين الورش في الأسعار

 

كمان بيكون في تنافس في الأسعار بين الورش لكن لازم تعرف إن في ارتفاع في التكاليف خلال الفترة الأخيرة لأن كل العدد المستخدمة في الإنتاج بيتم استيرادها بالدولار من برا مصر.

ومن العوامل اللي خلت أسعار المصنعية تعلى الفترة الأخيرة ارتفاع فواتير الكهرباء، بجانب زيادة سعر الذهب نفسه وكل دا بيتحمله المستهلك.

 

اعرف أكتر ليه الاستثمار في الدهب مفيد؟: ليه نجيب ساويرس بيفضل الاستثمار في الدهب؟

 

ايه هو الهالك؟

 

كيلو الذهب لما بيدخل للإنتاج بينخفض وزنه وبيتم حساب ما يسمى بـ "الهالك" وتوزيعه على المنتج، وكلما زادت المصنعية في كل قطعة يزيد السعر.

 

من مميزات الذهب اللازوردي قيمته العالية جدًا في كل عناصره

 

ازاي مصنعية الذهب 2022 بتتحسب؟

 

المصنعية بتبدأ من 7% لغاية 10% من سعر جرام الذهب لمعظم المشغولات.

 

علي سبيل المثال: 

لو هتشتري خاتم يزن 8 جرامات عيار 21 هتشوف سعر جرام الذهب اليوم للعيار 21 بكام، وهيكون حساب سعر الخاتم بحاصل ضرب الوزن في سعر الجرام.

وبعدين بيتضاف المصنعية زي ما قولنالك وبعدها قيمة الدمغة/الضريبة علشان تعرف المبلغ الكلي اللي هتدفعه.

 

مصنعية الذهب في حالة البيع

 

لكن في حالة بيع الذهب، هنا الصائغ بيقوم بتنظيف قطعة الذهب اللي أنت عاوز تبيعها، والتنظيف هنا يعني تنظيفها من الأتربة والأوساخ والصابون وغيرها علشان ما تأثرش على الوزن على الميزان الحساس، وبعد كدا بيتم إزالة الفصوص من على القطعة.

 

خلي بالك!

 

في بعض الفصوص لا يتم إزالتها فهناك ماركات كثيرة الفصوص الخاصة بالقطعة الذهبية لها قيمة كبيرة جدًا، وفي الحالة دي بيتم وزنها زي جولد إيجيبت أو الذهب لازوردي.

وبعد ما بيتم الوزن بتتحسب المصنعية، وبننصحك تحتفظ بالفاتورة عشان تقارن قيمة ما تم خصمه بما قمت أنت بدفعه عند الشراء.

 

ايه هو الذهب اللازوردي؟

 

الذهب اللازوردي عبارة عن ماركة تجارية للذهب صنعتها لنفسها شركة لازوردي لصناعة المجوهرات والمشغولات الذهبية ومقرها السعودية.

ومن مميزات الذهب اللازوردي قيمته العالية جدًا في كل عناصره، حتى أن فصوصه لها قيمة عالية عند البيع عكس الذهب الأصفر العادي، وسعر مصنعية الذهب اللازوردي في مصر حوالي 200 جنيه للجرام الواحد.

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع