البنك المركزي رخص المدفوعات اللاتلامسية، سبتمبر 2021

صرح البنك المركزي المصري في بيان له يوم الأحد 26 سبتمبر 2021 إنه وافق على منح تراخيص تقديم خدمة قبول المدفوعات اللاتلامسية على الموبايلات، وكمان أكد المركزي أن الموافقة دي في إطار تنفيذ استراتيجية المجلس القومي للمدفوعات للتحول نحو مجتمع بيعتمد على الفلوس الورقية والكاش بشكل أقل وده هيدعم استراتيجية الشمول المالي.

ازاي تستخدم الخدمة الجديدة:

والخدمة الجديدة دي تعتبر طفرة في تسهيل المعاملات المالية الإلكترونية، بحيث قبول المدفوعات اللاتلامسية على اجهزة الموبايل وتعتبر من أحدث وسائل الدفع الأقل في التكلفة، وهي تقنية تكنولوجية جديدة بتسمح للتجار بقبول مدفوعات البطاقات بشكل مباشر عن طريق اجهزة الموبايل أو أجهزة الدفع من غير استخدام أي أجهزة ملحقة إضافية أو استعمال الكاش طبعاً.

والتقنية الجديدة دي بتحول الأجهزة الذكية لنقطة قبول إلكترونية بيتم من خلالها قبول اي مدفوعات باستخدام البطاقات اللاتلامسية، عن طريق ابلكيشن بيحمله التاجر على الموبايل ويربط التطبيق بحسابه البنكي.

أهم مزايا "تطبيق قبول المدفوعات اللاتلامسية" هو تخفيض تكلفة شراء أو تأجير ماكينات البيع الإلكترونية التقليدية

وحسب البنك المركزي هيتم تحويل كل معاملات الشراء اللي هتتم من خلال الابلكيشن لحساب التاجر مباشرة بسرعة وأمان بمجرد إجرائها.

وكان البنك المركزي رفع السحب من الـE-wallet  ابريل اللي فات، اعرف أكتر عن الخبر من هنا، البنك المركزي يرفع حدود السحب من محافظ الموبايلات

وكمان من أهم مزايا "تطبيق قبول المدفوعات اللاتلامسية" هو تخفيض تكلفة شراء أو تأجير ماكينات البيع الإلكترونية التقليدية، ده غير انعدام تكلفة الصيانة اللي كانت بتتعمل لماكينات البيع وده هيعمل توسع عشان يضم كمان التجار الصغيرين.

وبالنسبة للمعاملات اللاتلامسية الأخري فالكروت البنكية كانت الرائدة فيها، وتقدر تعرف عنها أكتر من هنا، 9 بنوك بيقدموا خدمة الـ Tap & Go فى مصر