بعد قرار البنك المركزي: ايه أسعار شهادات الادخار في البنوك؟

أصدر البنك المركزي الخميس الفات قرار بتثبيت سعر الفائدة، ودي كانت مفاجأة لـناس كتير، خصوصا ان معدلات التضخم لسه بتزيد الفترة دي، وبيتوقع بعض الخبراء البنكيين ان التضخم مش هيقل الفترة الجاية.

في ناس كتير بتسأل امتى هتقل نسب الفائدة تاني؟ وبحسب تصريحات خبراء بنكيين في الإعلام الفترة الأخيرة، معدل التضخم هيفضل في زيادة لـحد ربع السنة الجاية ابريل 2023، وبالتالي بيتوقعوا ان نسب الفايدة مش هتقل قبل صيف السنة الجاية.

وحسب رأي خبراء البنوك: قرار تثبيت سعر الفايدة هو قرار منطقي جدا، لـمساعدة المواطنين في مواجهة التضخم العالمي.

يعني ايه سعر الفايدة؟ اعرف أكتر من هنا: يعني إيه سعر الفايدة ؟

أسعار شهادات الادخار في البنوك

في ناس كتير بتسأل بعد قرار البنك المركزي بتثبيت سعر الفايدة، ايه اسعاراالفايدة للشهادات العائد المتغير؟ احنا جمعنالك أفضل شهادات بعائد متغير في مصر واللي بتوصل لـ 18% في أغلب البنوك:

البنك الأهلي المصري

البنك الأهلي المصري بيقدم لعملائه الشهادة البلاتينية لمدة 3 سنين، وبعائد14% ، وبيتصرف شهريا بعد 6 شهور من شراء الشهادة البلاتينية، وبيبتدي شرائها بـحد أدنى ألف جنيه.

بنك مصر

بيقدم بنك مصر شهادة القمة لـمدة 3 سنين، واللي ببتتميز بـسعر فايدة  14%، وممكن تصرف الفايدة ببطاقة الخصم الفوري، وومكن تأخد قيمة الشهادة بعد 6 شهور من ميعاد شرائها، والحد الأدنى لشرائ شهادة بنك مصر 1000 جنيه.

ليه سعر الفايدة بيختلف من بنك للتاني؟ اعرف أكتر من هنا

بنك القاهرة

بيقدم بنك القاهرة شهادة برومو اكسترا بسعر فايدة 13.5% ، والحدالأدنى لشرائها 5000 جنيه.

بنك اسكندرية

بيقدم بنك اسكندرية شهادة ادخار ثلاثية والمعروفة بـاسم "اليكس 42" بـفايدة 13.5%  لمدة 3 سنين ونص بعائد متغير ممكن تصرفه كل شهر، وومكن تاخد قيمة شهادة بنك اسكندرية بعد 6 شهور.

تجاري وفا بنك

بيقدم التجاري وفا بنك شهادة ادخار ثلاثية بعائد سنوي 14%، ومدها 3 سنين، والحد الأدنى لشراء الشهادة 20 ألف جنيه، وبيقدم التجاري وفا بنك خاصية مميزة وهي ان ممكن صاحب الشهادة ياخد تمويل شخصي بضمان 95% من قيمة الشهادة.