كام عمولة السحب من ماكينات ATMلغير العملاء؟
تاريخ النشر: 03 يوليو 2022 عالم المال
زيادة الحد الأقصى بالسحب النقدي كمان
لو عاوز تسحب فلوسك من ماكينة ATM من بنك غير البنك بتاعك هتدفع رسوم أد ايه؟ اعرف أكتر دلوقتي من بلوج فايدتي وكل الأخبار الخاصة بالبنوك هتلاقيها بكل سهولة في مكان واحد بس.
كمان فايدتي بتوفرلك المقارنة بين المنتجات البنكية والتقديم عليها علشان تحصل عليها في أسرع وقت ممكن زي الكريدت كارد، وشهادات الاستثمار والودائع والقروض بمختلف أنواعها.
اقرأ كمان: ليه استخدام الـ ATM والـ ITM ممكن يغنيك عن دخول البنك!
قرار البنك المركزي
لو ماتعرفش خلينا نقولك إن البنك المركزي أصدر قرار من أيام عن عودة عمولة السحب من ماكينات الصراف الآلي ATM لغير عملاء نفس البنك بداية من أول يوليو بعد حوالي سنتين ونص من الإيقاف.
5 جنيه بحد أقصى لغير العملاء
الحد الأقصى للعمولة
البنك المركزي المصري ألزم البنوك إن الحد الأقصى لعمولة السحب النقدي من ماكينات الصراف الآلي الخاصة بالبطاقات المصدرة من بنوك أخرى ماتزدش عن 5 جنيه.
زيادة الحد الأقصى بالسحب النقدي
كمان قرر البنك المركزي المصري إنه يزود الحد الأقصى بالسحب النقدي للمعاملة الواحدة إلى 4 آلاف جنيه من ماكينات الصراف الآلي الخاصة بالبنوك الأخرى لغير التابع لها العميل.
اعرف كمان: إيه هو تاريخ ماكينة الصرف الآلي المعروفة بالـ ATM؟
إيقاف الرسوم والعمولات
ولو رجعنا بالذاكرة لورا وتحديدًا في مارس 2020 نفتكر قرار البنك المركزي المصري بإيقاف الرسوم والعمولات على الخدمات المصرفية الرقمية على مدار 27 شهرا.
وكان الكلام دا في بداية جائحة كورونا، وتم مد القرار 5 مرات وانتهى بالفعل في 30 يونيو 2022، وتم تطبيق القرارات الجديدة.
