مميزات ومصاريف إصدار كارت ميزة من بنكي الأهلي ومصر

اعرف أكتر عن مميزات كارت ميزة من البنك الأهلي المصري وبنك مصر، فايدتي هتقولك على فوايد كارت ميزة اللي كتير مش عارفينها خاصة إن الكارت دا حاليًا بيستخدمه كل المواطنين المستفيدين من برنامج "تكافل وكرامة".

والبرنامج دا مقدم من وزارة التضامن الاجتماعي، وتقدر تستفيد بكارت ميزة في الحصول على كتير من الخصومات وتستفيد من عروض كتير كمان.

اعرف ايه الفرق بين كارت ميزة والكروت البنكية التانية من هنا: إيه الفرق بين كروت "فيزا" و"ماستر كارد" و"ميزة"؟

كارت ميزة بيستخدم في ايه؟

• صرف المعاشات والمرتبات لبعض الشركات علشان كدا له شعبية كبيرة ومتداول.
• بطاقة ميزة (كارت ميزة) تُعتبر هي أول بطاقة دفع إلكتروني وطنية.
• من أبرز الأدوات الرئيسية للسداد الإلكتروني لمدفوعات المواطنين سواء للجهات الحكومية أو في كل التعاملات المالية التانية محليًا.

أول بطاقة دفع محلية

كارت ميزة ساهم بشكل كبير في توجه مصر ناحية الشمول المالي.

وهي بطاقة بنكية ذكية استبدلتها وزارة وزارة التضامن الاجتماعي في صرف معاش تكافل وكرامة.

ولو أنت معاكش بطاقة ميزة فخلي بالك إنه هيتم وقف مستحقات المستفيدين من برنامج تكافل وكرامة بداية من شهر يناير 2023 لغير حاملي بطاقة ميزة، وفق تعليمات الوزارة.

عاوز تحصل على معاش تكافل وكرامة؟ اعرف الخطوات من هنا: تعمل ايه علشان تحصل على معاش تكافل وكرامه؟

بطاقة ميزة في بنكي الأهلي ومصر

وبيستخدم بطاقة ميزة البنك الأهلي المصري وبنك مصر اللي بيطرح بطاقات ميزة للخصم المباشر أو الdebit caird في التعاملات المختلفة سح وإيداع وشراء من على النت وكمان سداد فواتير الخدمات الحكومية المختلفة.

3 أنواع من البطاقات البنكية

البنوك بتصدر 3 أنواع من البطاقات البنكية وهي:

• بطاقة ماستر كارد.
• كارت فيزا للمدفوعات الإلكترونية.
• بطاقة ميزة للتعاملات المحلية.

ايه هي فوايد بطاقة ميزة من البنك الأهلي المصري؟

• هتقدر من خلالها تستقبل وتصرف الحوالات بالجنية المصري على مدار 24 ساعة.
• مش هتحتاج تروح للبنك علشان تستقبل وتصرف الحوالات.
• بتديك ميزة الاستفادة من المعاملات اللاتلامسية للحفاظ على سلامتك.
• هتقدر من خلال استخدام كارت ميزة من البنك الأهلي المصري إنك تسدد المدفوعات الحكومية بشكل إلكتروني سهل وآمن.

إمكانية السحب الفوريط

من خلال بطاقة ميزة من البنك الأهلي المصري هتقدر تنفذ معاملات السحب الفوري من ماكينات الـ ATM الخاصة بالبنك أو أي بنوك تانية جوا مصر اللي بتحمل علامة 123.

كارت ميزة هيخليك تتعامل مع شبكة كبيرة من التجار اللي متاح عندهم نظام نقاط البيع وهتقدر تستفاد بالنقاط دي وتحصل على خدمات أكتر وأكتر.

اعرف أكتر عن الخدمات البنكية المختلفة: قروض وبطاقات ائتمان وشهادات وودائع وقارن وقرر من مكانك عن طريق فايدتي من هنا

تصدر كارت ميزة من البنك الأهلي المصري ازاي؟

• صورة البطاقة الشخصية السارية أو جواز السفر الموضح به الرقم القومي.
• هتروح لأقرب فرع بنك للبنك الأهلي المصري وتشترك.
• مصاريف إصدار البطاقة 15 جنيه.
• مصاريف سنوية 10 جنيه.
• مصاريف بدل فاقد أو تالف 10 جنيه.
• خلي بالك إن من مميزاتها عدم وجود عمولات على السحب والإيداع، وعمولة السحب من ماكينات الصراف الآلي للبنوك الأخرى 5 جنيهات.
• الحد الأقصى للبطاقة 50 ألف جنيه وهو نفسه حد الشراء اليومي المحلي.
• حد السحب النقدي بيوصل لـ 30 ألف جنيه.
• حد التعامل الشهري بالبطاقة 100 ألف جنيه.

ايه هي فوايد استخدام كارت ميزة من بنك مصر؟

• مدة صلاحية بطاقات ميزة خمس سنين.
• يتم إصدار البطاقة من خلال فتح حساب جاري أو حساب توفير أو حساب يوم بيوم بفروع البنك.
• تقدر تستخدم بطاقة ميزة من بنك مصر في عمليات السحب النقدي والمشتريات داخل مصر.
• توجد إمكانية ربط أكثر من حساب على البطاقة الواحدة، حيث تتيح تلك الخاصية ربط عدة حسابات إضافية (جاري- توفير- شهادات....) وبحد أقصى 6 حسابات بخلاف الحساب الأساسي.

التحويل بين الحسابات الخاصة

من مميزات كارت ميزة من بنك مصر إنه بيساعدك تحول بين الحسابات الخاصة بيك زي ما تحب.

والتحويل دا بيكون من خلال ATM الخاصة ببنك مصر.

وتقدر تستعلم عن أرصدة الحسابات المربوطة على البطاقة من خلال الاشتراك بخدمة البنك الفوري المجانية OnlineBanking المتاحة بموقع البنك على شبكة الإنترنت من هنا

رسوم إصدار بطاقة ميزة من بنك مصر 

• بيتم إصدار البطاقة مقابل 20 جنيه.
• مصاريف تجديد سنوي 20 جنيه.
• بدل التالف أو الفاقد 10 جنيه.
• السحب من ماكينات البنوك الأخري 5 جنيهات.
• لا توجد مصروفات على السحب من ماكينات البنك.

مميزات تانية على بطاقة ميزة من بنك مصر

تقدر تشتري من جوا مصر بحد أقصى 15000 جنيه يوميًا، و300 ألف جنيه شهريًا.

تقدر تنفذ سحب نقدي من آلات الصراف الآلي ATM التابعة لبنك مصر، وآلات الصراف الآلي ATM وPOS التابعة للبنوك الأخرى داخل مصر بحد أقصي 20 ألف جينه كحد أقصى في اليوم الواحد بحد أقصى 5 مرات يوميًا، و100000 جم شهريًا.

اعرف كمان عن عروض البلاك فرايداي من هنا: عروض البلاك فرايدي 2022 على الكريدت كارد: خصم حتى 50%