YouTube Vanced ليه قفل والفرق بينه وبين YouTube ؟

ايه حكاية أبلكشين يوتيوب فانسيد YouTube Vanced اللي تم الإعلان عن قفله؟ ولو متعرفش هنقولك ايه الفرق بينه وبين يوتيوبYouTube .

تطبيق YouTube Vanced من أفضل التطبيقات المعدلة اللي بتتيح لمستخدمي هواتف أندرويد الوصول لمقاطع الفيديو على موقع يوتيوب بدون الحاجة لاستخدام التطبيق الرسمي.

وطبعًا بالإضافة لكل الخدمات والميزات اللي بيقدمها تطبيق يوتيوب، تطبيق YouTube Vancedبيوفر لمستخدميه مزايا مش موجودة إلا لمشتركي خدمة Youtube Premieum اللي ليها اشتراك شهري يقدمه موقع مشاركة مقاطع الفيديو الأشهر حول العالم.

جوجل قالت ايه لمالكي YouTube Vanced؟

Google جوجل بعتت، في الفترة الأخيرة، لمالكي YouTube Vanced خطاب توقف، ودا اللي أجبر المطورين إنهم يوقفوا الأبلكيشن عن توزيعه وتطويره، وخاصة إن جوجل طلب من فريق  Vanced:

• إزالة كل الإشارات إلى يوتيوب.
• تغيير الشعار.
• إزالة جميع الروابط المتعلقة بمنتجات يوتيوب (YouTube).

هنقولك على كام أبلكيشن حلوين جدًا حاول تستخدمهم، اعرف أكتر من هنا: 10 ابلكيشن محتاج تنزلهم على موبايلك غير السوشيال ميديا

معلومات عن YouTube Vanced

أبلكيشن Youtube Vanced المجاني واحد من أفضل التطبيقات اللي ممكن تتعامل معاها وبتديك إمكانية مشاهدة الفيديوهات بدون انقطاع أو تشويش، وكمان بيحل عيوب الحساب المجاني على قناة يوتيوب الأصلي بدون أي مقابل مادي.

ليه YouTube Vanced منافس youtube؟

يوتيوب فانسيد منافس يوتيوب المدفوع لأنه بيسمح لمستخدمي YouTube بتنزيل مقاطع الفيديو دون اشتراك مدفوع وحظر جميع إعلانات الفيديو على YouTube، وكمان  بيتضمن تخصيصات غير متوفرة على موقع YouTube الرسمي لتطبيق Android.

السر في الأسباب القانونية

مالكو YouTube Vanced قالوا إنهم اضطروا لوقف المشروع "لأسباب قانونية".

ايه اللي هيحصل الأيام الجاي؟

مبتكرو Vanced قالوا إنه هيتم إغلاق المشروع في الأيام الجاية، مع حذف روابط التنزيل الخاصة به فيما سيستمر عمل التطبيق لأي شخص قام بتثبيته حاليًا على Android ، بدون أي تحديثات مستقبلية.

جوجل تجبر YouTube Vanced

جوجل، مالك يوتيوب، أجبرت YouTube Vanced إنه يقفل، وبيخطط حاليًا إنه يستفاد من التكنولوجيات الناشئة مثل "البلوكتشين" و"الميتافيرس" للتقليل من الاحتيال في سوق الفن الرقمي.

عندك التطبيقات المسلية دي ولا لا؟ اعرف أكتر من هنا: 6 أبلكيشن مُسلية في زحمة الطريق: طرقع الـ Bubble Wrap

يوتيوب بيطور من نفسه

يوتيوب بيحاول الفترة الأخيرة إنه يطور من نفسه ويواكب العصر، ومن المعروف إن يوتيوب أكبر خدمة بث في العالم، ومملوك لشركة ألفابيت (الشركة الأم لجوجل)، ومهتم إنه يحتفظ بالمستخدمين من خلال تعزيز التوجيهات والإرشادات المتعلقة بالمميزات الجاية اللي هيقدمها.

الفكرة برضو إن يوتيوب youtube بينافس شركات كبيرة بقت تقدم فيديوهات وليها شعبية ضخمة زي تيك توك التابع لشركة بايت دانس وانستجرام التابع لشركة ميتا.