حكاية أغنى شاب في مصر أنسي نجيب ساويرس: اشتغل عامل في ماك

أنسي نجيب ساويرس الابن البكر للملياردير المعروف نجيب ساويرس، واللي بدأ حياته عامل في ماك وحاليًا بيمتلك شركات في دول أجنبية، وبقى يدير الإمبراطورية الاقتصادية لوالده.

أنسي حاصل على بكالوريوس في الهندسة الميكانيكية والإدارة سنة 2014 من معهد "ماساتشوستس" للتكنولوجيا في أمريكا، وثروته تخطت المليارات وشركاته في مصر وأمريكا وكندا، ومهتم في البيزنس بتاعه بالتكنولوجيا.

البداية كعامل في ماكدونالز

على طريقة عيلة ساويرس في التعامل مع أولادهم قرر نجيب ساويرس يخلي ابنه يبدأ حياته كعامل في ماك زي ما عمل هو لما بدأ حياته بغسيل الأطباق والعربيات، واخواته كمان ناصف وسميح.

وحاليًا أنسي بقى رئيس مجلس إدارة شركة أوراسكوم، واكتفى نجيب بالإشراف على القطاع العقاري والتعدين.

تعرف إن نجيب ساويرس بيستثمر جزء من ثروته في الدهب، ليه نجيب ساويرس بيفضل الاستثمار في الدهب؟

بدأ البيزنس الخاص بتاعه بتوصيل الكهرباء لقرى شمال أفريقيا

تأسيس مجموعة من الشركات

بدأ البيزنس الخاص بتاعه بتوصيل الكهرباء لقرى شمال أفريقيا نجحت الشركة جدًا وبعدين أسس شركة جديدة مع هشام الحداد وفادي يعقوب بتشتغل مع "أوبرا" و"علي بابا"، والشركة دي بتتعاون مع 70 مؤسسة بأصول 350 مليار دولار، وهدفها الأساسي تساعد مؤسسين الشركات الناشئة في بناء شركات قادرة على الاستمرار.

·       رئيس مجلس إدارة شركة أوراسكوم المالية القابضة من 2021.

·       شريك مؤسس وعضو منتدب لشركة "إتش أو إف كابيتال" في أمريكا من 2014.

·       رئيس مجلس إدارة شركة إيطاليا أون لاين من 2015.

·       شريك مؤسس ومستثمر في شركة فاونديشن فنتشرز من 2019.

·       تطبيق مينلي من 2020.

·       شركة WAYA  من 2018.

·       مستثمر في عدة شركات منها منصة UiPath من 2019 .

·       شركة إنسيترو من 2020.

·       شركة SWVL من 2020.

·       شركة ASAPP في أمريكا من 2018.

·       عضو في مجلس إدارة شركة دروب في كندا من 2019.

·       ريفير بنك من 2018.

·       شركة أوبتي سوليوشنز في أمريكا من 2016.

·       شركة Mach Music من 2014.

·       رئيس مجلس إدارة شركة بلتون المالية القابضة ممثلًا عن شركة أوراسكوم المالية القابضة في 2021.

الاستثمار الرياضي

أنسي نجيب ساويرس رئيس مجلس إدارة شركة زد للاستثمار الرياضي، وفاز في بداية 2022 بجايزة جلوب سوكر كأفضل قطاع ناشئين في أفريقيا بعد سنتين بس من إنشائه.

أول جامعة رياضية في مصر

المفاجأة اللي بيرتب ليها أنسي إنه عاوز يعمل أول جامعة رياضية في مصر خلال 3 سنين وعاوز يحتل نادي في الدوري الممتاز وينافس بقوة على الرغم من كونه هو ووالده أهلاوية لكنه بدأ فعليًا في التعاقد مع أكاديميات عالمية.

امبراطور العيلة أنسي ساويرس ازاي كون ثروته دا اللي هتعرفه من هنا: اعرف أكتر عن رحلة كفاح أنسي ساويرس