ليه سعر الدولار اليوم في السوق السوداء معدي الـ 30 جنيه؟

ليه سعر الدولار اليوم الرسمي في البنوك 24 جنيه وكسور بس سعره في السوق السوداء معدي الـ 30 جنيه؟ واحد من أكتر الأسئلة اللي بتتسأل حاليًا، وفي المقال دا فايدتي Faydety هتساعدك تعرف الدولار رايح على فين؟

اعرف سعر الدولار اليوم وكل أسعار العملات باخر تحديث من هنا

ليه في فرق بين سعر الدولار الرسمي وسعره في السوق السوداء؟

السبب بيرجع لأن في نقص كبير في العملة الصعبة، والحكومة لسه ساندة الجنيه قصاد الدولار، ودا مخلي يحصل فرق كبير بين السعر الرسمي وسعر الدولار في السوق السوداء.

والسبب بيرجع في الحرب بين روسيا وأوكرانيا واستثمارات كتير بالعملة الصعبة خرجت برا البلد.

تقدر تسمع الفيديو دا وتعرف أكتر عن الفرق بين سعر الدولار اليوم وسعره في السوق السوداء من هنا

صندوق النقد الدولي

ومن المنتظر إن قرض صندوق النقد الدولي هيساعد شوية لأنه هيرجع الثقة للمستثمرين إنهم يستثمروا في مصر مرة تانية.

كل اللي عاوز تعرفه عن صندوق النقد الدولي ببساطة هتلاقيه في فيديو هنا: بالفيديو: ايه هو صندوق النقد الدولي وازاي بيشتغل؟

البنك المركزي المصري هيجتمع امتى؟

الكل في انتظار اجتماع البنك المركزي المصري علشان يحسم القرار في موضوع سعر الفائدة والسؤال دلوقتي هل هيحصل رفع سعر الفائدة ولا ايه اللي ممكن يحصل لأن كل اللي على الساحة دلوقتي توقعات.

من المنتظر إن البنك المركزي المصري يجتمع الخميس الجاي الموافق 22 ديسمبر لبحث مصير سعر الفائدة على الإيداع والإقراض بحسب جدول الاجتماعات المنشور على موقعه الإلكتروني.

اعرف استفادة البنك المركزي من رفع سعر الفائدة: ليه البنك المركزي بيرفع سعر الفائدة؟ اعرف الاستفادة

توقعات الخبراء

فايدتي بتقولك إن الخبراء رأيهم وتوقعاتهم رايحة ناحية إن البنك المركزي هيقرر رفع سعر الفائدة بهدف عودة جذب استثمارات أجنبية غير مباشرة في أدوات الدين المصرية.

ودا هيكون أمر ضروري للمساهمة في الآتي:

• تعزيز استقرار سعر الصرف.
• وجود عائد حقيقي على مدخرات العملاء في البنوك لحمايتها من التآكل بسبب ارتفاع معدل التضخم.
• التحكم شوية في رفع الأسعار.

وعلشان تكون ملم أكتر بالأحداث خلينا نقولك إن الفيدرالي الأمريكي قرر رفع سعر الفائدة 50 نقطة أساس في اجتماعه يوم الأربعاء 14 ديسمبر 2022.

اعرف من هنا ايه السر وراء ارتفاع سعر الدولار عمومًا: ايه سبب ارتفاع الدولار في مصر؟